apne men jo ab bhuule se kabhi raahat kaa taqaazaa paataa hai

Apne men jo ab bhoole se kabhi raahat kaa taqaazaa paataa hai Haalaat pe mere kar ke nazar dil mujh se bahut sharmaataa hai Uljhan men yakaayak hotee hai dam ruktaa hai dil bhar aataa hai Jab koi tasallee deta hai Kuch aur bhee jee ghabraataa hai Aaraam sarakne vaalaa hai kis shai pe ye gharra hai tujh ko Dunya ye badalne vaalee hai kis chiiz pe too itraataa hai Elaan sahar ko hota hai yuun husn kee shaahanshaahee kaa Gardoon pe sunahraa ik parcham mashriq kee taraf lahraataa hai Andaaz-o-adaa se ai Dunya too laakh sanvar kar saamne aa Ye 'josh' faqeer aazaad-manash jab dhyaan men tujh ko laataa hai