apnii malka e sukhan se ai sham e josh o mashal e aivaan e aarzoo

Ai sham-e-'josh' o mash.al-e-aivaan-e-aarzoo Ai mehr-e-naaz o maah-e-shabistaan-e-aarzoo Ai jaan-e-dard-mandee o eemaan-e-aarzoo Ai sham-e-toor o yoosuf-e-kan.aan-e-aarzoo Zarre ko aaftaab to kaanTe ko phuul kar Ai rooh-e-sher sajda-e-shaa.ir qubool kar Dariyaa kaa moD naghma-e-sheereen kaa zer-o-bam Chaadar shab-e-nujoom kee shabnam kaa rakht-e-nam Titlee kaa naaz-e-raqs ghazaala kaa husn-e-ram Motee kee aab gul kee mahak maah-e-nau kaa kham In sab ke imtizaaj se paidaa huee hai too Kitne haseen ufuq se huvaidaa huee hai too Hotaa hai mah-vashon kaa wo aalam tire huzoor Jaise charaagh-e-murdaa sar-e-bazm-e-sham-e-toor Aa kar tiree janaab men ai kaar-saaz-e-noor Palkon men munh chhupaate hain jhenpe hue ghuroor Aatee hai ek lahr see chehron par aah kee Aankhon men chhooT jaatee hain nabzen nigaah kee Raftaar hai ki chaandnee raaton men mauj-e-gang Yaa bhairveen kee pichhle pahar qalb men umang Ye kaakulon kee taab hai ye aarizon kaa rang Jis tarah jhuTpuTe men shab-o-roz kee tarang Roo-e-mubeen na gesoo-e-sumbul-qavaam hai Vo barhaman kee sub.h ye saaqee kee shaam hai Aavaaz men ye ras ye lataafat ye iztiraar Jaise subuk maheen ravaan reshmee phuvaar Lahje men ye khaTak hai ki hai neshtar kee dhaar Aur gir raha hai dhaar se shabnam kaa aabshaar Chahkee jo too chaman men havaa.en mahak ga.iin Gul-barg-e-tar se os kee boonden Tapak ga.iin Jaadoo hai teree saut kaa gul par hazaar par Jaise naseem-e-sub.h kee rau joo-e-baar par Naakhun kisee nigaar kaa chaandee ke taar par Mizraab-e-aks-e-qaus rag-e-aabshaar par Maujen sabaa kee baagh pe sahbaa chhiDak ga.iin Jumbish huee labon ko to kaliyaan chaTak ga.iin Chashm-e-siyaah men wo talaatum hai nuur kaa Jaise sharaab-e-naab men jauhar suroor kaa Yaa chahchahon ke waqt tamavvuj tuyoor kaa Baandhe hue nishaana koi jaise duur kaa Har mauj-e-ra.g-e-qaamat-e-gul-rez ram men hai Goyaa sharaab-e-tund biloreen qalam men hai Tujh se nazar milaa.e ye kis kee bhalaa majaal Tere qadam kaa naqsh haseenon ke khadd-o-khaal Allaah re tere husn-e-malak-soz kaa jalaal Jab dekhtee hain khuld se hooren tiraa jamaal Partav se tere chehra-e-parveen-sarisht ke Ghabraa ke band kartee hain ghurfe bahisht ke Chehre ko rang-o-noor kaa toofaan kiye hue Sham-o-sharaab-o-sh.er kaa unvaan kiye hue Har naqsh-e-paa ko taaj-e-gulistaan kiye hue Sau tuur ik nigaah men pinhaan kiye hue Aatee hai too chaman men jab is tarz-o-taur se Gul dekhte hain baagh men bulbul ko ghaur se Mere bayaan men sehr-bayaanee tujhee se hai Roo-e-sukhan pe khoon-e-javaanee tujhee se hai Lafzon men raqs-o-rang-o-ravaanee tujhee se hai Faqr-e-gadaa men farr-e-kiyaanee tujhee se hai Fidvee ke is uruuj pe kartee hai ghaur kya Teree hee jootiyon kaa tasadduq hai aur kya Ai kirdgaar-e-maa'nee o khallaaq-e-sher-e-tar Ai jaan-e-zauq o muhsina-e-lailee-e-hunar Khul jaa.e gar ye baat ki urdu zabaan par Teree nigaah-e-naaz kaa ehsaan hai kis qadar Chaaron taraf se na.ara-e-salle-alaa uThe Tere mujassamon se zameen jagmagaa uThe Mere hunar men sarf huee hai tiree nazar Khema hai mere naam kaa baalaa-e-bahr-o-bar Shohrat kee bazm tujh se munavvar nahin magar Farq-e-gadaa pe taaj hai sultaan barahna-sar Parvaane ko wo kaun hai jo maantaa nahin Aur sham.a kis taraf hai koi jaantaa nahin Dil teree bazm-e-naaz men jab se hai baaryaab Har khaar ek gul hai to har zarra aaftaab Ik lashkar-e-nashaat hai har gham ke ham-rikaab Zer-e-nageen hai aalam-e-taamkeen-o-iztiraab Baad-e-muraad o chashmak-e-toofaan liye hue Huun boo-e-zulf-o-jumbish-e-mizhgaan liye hue Tere labon se chashma-e-haivaan miraa kalaam Teree laTon se mauja-e-toofaan miraa kalaam Teree nazar se toor-e-ba-daamaan miraa kalaam Tere sukhan se naghma-e-yazdaan miraa kalaam Too hai payaam-e-aalam-e-baalaa mire liye Ik vahee-e-zee-hayaat hai goyaa mire liye Ai maah-e-she.r-parvar o mehr-e-sukhan-varee Ai aab-o-rang-e-'haafiz' o ai husn-e-'anvaree' Too ne hee sabt kee hai ba-sad naaz-e-daavaree Mere sukhan kee pusht pe mohr-e-payambaree Teree shameem-e-zulf kee daulat liye hue Meraa nafas hai boo-e-risaalat liye hue Dur-haa-e-aab-daar o sharar-haa-e-dil-nasheen Shab-haa-e-talkh-o-tursh o sahar-haa-e-shakkareen Aql-e-nashaat-khez o junoon-e-gham-aafreen Daulat wo kaun hai jo miree jeb men nahin Takraa.ee jab bhee mujh se khajil sarvaree huee Yuun hai tire faqeer kee jholee bharee huee Naghme pale hain daulat-e-guftaar se tiree Paayaa hai nutq chashm-e-sukhan-baar se tiree Taaqat hai dil men nargis-e-beemaar se tiree Kyaa kya milaa hai 'josh' ko sarkaar se tiree Baanke khayaal hain kham-e-gardan liye hue Har sher kee kalaa.ee hai kangan liye hue Ai lailee-e-nahufta o ai husn-e-sharmageen Tujh par nisaar daulat-e-dunya mataa-e-deen Mansoob mujh se hai jo ba-andaaz-e-dil-nasheen Teree wo shaa.iree hai miree shaa.iree nahin Aavaaza charkh par hai jo is dard-mand kaa Goyaa wo aks hai tire qadd-e-buland kaa Mere bayaan men ye jo vafoor-e-suroor hai Taaq-e-sukhan-varee men jo ye sham-e-toor hai Ye jo mire charaagh kee zau duur duur hai Sarkaar hee kee mauj-e-tabassum kaa nuur hai Sheron men karvaTen ye nahin soz-o-saaz kee Lahren hain ye huzoor kee zulf-e-daraaz kee Mujh rind-e-husn-kaar kee mai-khvaariyaan na poochh Is khvaab-e-jaan-faroz kee bedaariyaan na poochh Kartee hai kyuun sharaab khirad-baariyaan na poochh Be-hoshiyon men kyuun hai ye hushyaariyaan na poochh Piitaa hoon wo jo zulf kee rangeen ghaTaaon men Khinchtee hai un ghanee huee palkon kee Chaaon men Hushyaar is liye hoon ki mai-khvaar hoon tiraa Sayyaad-e-sher hoon ki giraftaar hoon tiraa Lahja maleeh hai ki namak-khvaar hoon tiraa Sehhat zabaan men hai ki beemaar hoon tiraa Tere karam se sher-o-adab kaa imaam hoon Shaahon pe khanda-zan hoon ki teraa ghulaam hoon Main wo hoon jis ke gham ne tire dil men raah kee Ik umr jis ke ishq men khud too ne aah kee Soyaa hai shauq sej pe teree nigaah kee Raaten kaTee hain saa.e men chashm-e-siyaah kee Kyuun kar na shaakh-e-gul kee lachak ho bayaan men Teree kamar kaa loch hai meree zabaan men Tarshe hue labon ke bahakte khitaab se Zartaar kaakulon ke mahakte sahaab se Sarshaar ankhDiyon ke dahakte shabaab se Mauj-e-nafs ke itr se mukhDe kee aab se Baarah baras tapaa ke zamaana suhaag kaa Seenchaa hai too ne baagh mire dil kee aag kaa Garmee se jis kee barf kaa devtaa Dare wo aag Sho.alon men os ko jo mubaddal kare wo aag Lau se jo zamhareer kaa daaman bhare wo aag Had hai jo naam naar-e-saqar par dhare wo aag Jis kee lapaT gale men jalaatee hai raag ko Paalaa hai qalb-e-naaz men too ne us aag ko Ai sham-e-'josh' o mashal-e-aiwan-e-arzu Ai mehr-e-naz o mah-e-shabistan-e-arzu Ai jaan-e-dard-mandi o iman-e-arzu Ai sham-e-tur o yusuf-e-kanan-e-arzu Zarre ko aaftab to kanTe ko phul kar Ai ruh-e-sher sajda-e-shair qubul kar Dariya ka moD naghma-e-shirin ka zer-o-bam Chadar shab-e-nujum ki shabnam ka raKHt-e-nam Titli ka naz-e-raqs ghazala ka husn-e-ram Moti ki aab gul ki mahak mah-e-nau ka KHam In sab ke imtizaj se paida hui hai tu Kitne hasin ufuq se huwaida hui hai tu Hota hai mah-washon ka wo aalam tere huzur Jaise charagh-e-murda sar-e-bazm-e-sham-e-tur Aa kar teri janab mein ai kar-saz-e-nur Palkon mein munh chhupate hain jhenpe hue ghurur Aati hai ek lahr si chehron par aah ki Aankhon mein chhuT jati hain nabzen nigah ki Raftar hai ki chandni raaton mein mauj-e-gang Ya bhairwin ki pichhle pahar qalb mein umang Ye kakulon ki tab hai ye aarizon ka rang Jis tarah jhuTpuTe mein shab-o-roz ki tarang Ru-e-mubin na gesu-e-sumbul-qawam hai Wo barhaman ki subh ye saqi ki sham hai Aawaz mein ye ras ye latafat ye iztirar Jaise subuk mahin rawan reshmi phuwar Lahje mein ye khaTak hai ki hai neshtar ki dhaar Aur gir raha hai dhaar se shabnam ka aabshaar Chahki jo tu chaman mein hawaen mahak gain Gul-barg-e-tar se os ki bunden Tapak gain Jadu hai teri saut ka gul par hazar par Jaise nasim-e-subh ki rau ju-e-bar par NaKHun kisi nigar ka chandi ke tar par Mizrab-e-aks-e-qaus rag-e-abshaar par Maujen saba ki bagh pe sahba chhiDak gain Jumbish hui labon ko to kaliyan chaTak gain Chashm-e-siyah mein wo talatum hai nur ka Jaise sharab-e-nab mein jauhar surur ka Ya chahchahon ke waqt tamawwuj tuyur ka Bandhe hue nishana koi jaise dur ka Har mauj-e-rag-e-qamat-e-gul-rez ram mein hai Goya sharab-e-tund bilorin qalam mein hai Tujh se nazar milae ye kis ki bhala majal Tere qadam ka naqsh hasinon ke KHadd-o-KHal Allah re tere husn-e-malak-soz ka jalal Jab dekhti hain KHuld se huren tera jamal Partaw se tere chehra-e-parwin-sarisht ke Ghabra ke band karti hain ghurfe bahisht ke Chehre ko rang-o-nur ka tufan kiye hue Sham-o-sharab-o-sher ka unwan kiye hue Har naqsh-e-pa ko taj-e-gulistan kiye hue Sau tur ek nigah mein pinhan kiye hue Aati hai tu chaman mein jab is tarz-o-taur se Gul dekhte hain bagh mein bulbul ko ghaur se Mere bayan mein sehr-bayani tujhi se hai Ru-e-suKHan pe KHun-e-jawani tujhi se hai Lafzon mein raqs-o-rang-o-rawani tujhi se hai Faqr-e-gada mein farr-e-kiyani tujhi se hai Fidwi ke is uruj pe karti hai ghaur kya Teri hi jutiyon ka tasadduq hai aur kya Ai kirdgar-e-ma'ni o KHallaq-e-sher-e-tar Ai jaan-e-zauq o muhsina-e-laili-e-hunar Khul jae gar ye baat ki urdu zaban par Teri nigah-e-naz ka ehsan hai kis qadar Chaaron taraf se nara-e-salle-ala uThe Tere mujassamon se zamin jagmaga uThe Mere hunar mein sarf hui hai teri nazar KHema hai mere nam ka baala-e-bahr-o-bar Shohrat ki bazm tujh se munawwar nahin magar Farq-e-gada pe taj hai sultan barahna-sar Parwane ko wo kaun hai jo manta nahin Aur shama kis taraf hai koi jaanta nahin Dil teri bazm-e-naz mein jab se hai baryab Har KHar ek gul hai to har zarra aaftab Ek lashkar-e-nashat hai har gham ke ham-rikab Zer-e-nagin hai aalam-e-tamkin-o-iztirab Baad-e-murad o chashmak-e-tufan liye hue Hun bu-e-zulf-o-jumbish-e-mizhgan liye hue Tere labon se chashma-e-haiwan mera kalam Teri laTon se mauja-e-tufan mera kalam Teri nazar se tur-e-ba-daman mera kalam Tere suKHan se naghma-e-yazdan mera kalam Tu hai payam-e-alam-e-baala mere liye Ek wahi-e-zi-hayat hai goya mere liye Ai mah-e-sher-parwar o mehr-e-suKHan-wari Ai aab-o-rang-e-'hafiz' o ai husn-e-'anwari' Tu ne hi sabt ki hai ba-sad naz-e-dawari Mere suKHan ki pusht pe mohr-e-payambari Teri shamim-e-zulf ki daulat liye hue Mera nafas hai bu-e-risalat liye hue Dur-ha-e-ab-dar o sharar-ha-e-dil-nashin Shab-ha-e-talKH-o-tursh o sahar-ha-e-shakkarin Aql-e-nashat-KHez o junun-e-gham-afrin Daulat wo kaun hai jo meri jeb mein nahin Takrai jab bhi mujh se KHajil sarwari hui Yun hai tere faqir ki jholi bhari hui Naghme pale hain daulat-e-guftar se teri Paya hai nutq chashm-e-suKHan-bar se teri Taqat hai dil mein nargis-e-bimar se teri Kya kya mila hai 'josh' ko sarkar se teri Banke KHayal hain KHam-e-gardan liye hue Har sher ki kalai hai kangan liye hue Ai laili-e-nahufta o ai husn-e-sharmagin Tujh par nisar daulat-e-duniya mata-e-din Mansub mujh se hai jo ba-andaz-e-dil-nashin Teri wo shairi hai meri shairi nahin Aawaza charKH par hai jo is dard-mand ka Goya wo aks hai tere qadd-e-buland ka Mere bayan mein ye jo wafur-e-surur hai Taq-e-suKHan-wari mein jo ye sham-e-tur hai Ye jo mere charagh ki zau dur dur hai Sarkar hi ki mauj-e-tabassum ka nur hai Sheron mein karwaTen ye nahin soz-o-saz ki Lahren hain ye huzur ki zulf-e-daraaz ki Mujh rind-e-husn-kar ki mai-KHwariyan na puchh Is KHwab-e-jaan-faroz ki bedariyan na puchh Karti hai kyun sharab KHirad-bariyan na puchh Be-hoshiyon mein kyun hai ye hushyariyan na puchh Pita hun wo jo zulf ki rangin ghaTaon mein Khinchti hai un ghani hui palkon ki chhanw mein Hushyar is liye hun ki mai-KHwar hun tera Sayyaad-e-sher hun ki giraftar hun tera Lahja malih hai ki namak-KHwar hun tera Sehhat zaban mein hai ki bimar hun tera Tere karam se sher-o-adab ka imam hun Shahon pe KHanda-zan hun ki tera ghulam hun Main wo hun jis ke gham ne tere dil mein rah ki Ek umr jis ke ishq mein KHud tu ne aah ki Soya hai shauq sej pe teri nigah ki Raaten kaTi hain sae mein chashm-e-siyah ki Kyun kar na shaKH-e-gul ki lachak ho bayan mein Teri kamar ka loch hai meri zaban mein Tarshe hue labon ke bahakte KHitab se Zartar kakulon ke mahakte sahab se Sarshaar ankhDiyon ke dahakte shabab se Mauj-e-nafs ke itr se mukhDe ki aab se Barah baras tapa ke zamana suhag ka Sincha hai tu ne bagh mere dil ki aag ka Garmi se jis ki barf ka dewta Dare wo aag Shoalon mein os ko jo mubaddal kare wo aag Lau se jo zamharir ka daman bhare wo aag Had hai jo nam nar-e-saqar par dhare wo aag Jis ki lapaT gale mein jalati hai rag ko Pala hai qalb-e-naz mein tu ne us aag ko