behoshiyon ne aur khabardaar kar diyaa

Behoshiyon ne aur khabardaar kar diyaa Soee jo aql ruuh ne bedaar kar diyaa Allaah re husn-e-dost kee aa.eena-daariyaan Ahl-e-nazar ko naqsh-ba-deevaar kar diyaa Yaa rab ye bhed kya hai ki raahat kee fikr ne Insaan ko aur gham men giraftaar kar diyaa Dil Kuch panap chalaa thaa taghaaful kee rasm se Phir tere iltifaat ne beemaar kar diyaa Kal un ke aage sharah-e-tamannaa kee aarzoo Itnee baDhee ki nutq ko bekaar kar diyaa Mujh ko wo bakhshte the do aalam kee nematen Mere ghuroor-e-ishq ne inkaar kar diyaa Ye dekh kar ki un ko hai rangeeniyon kaa shauq Aankhon ko ham ne deeda-e-khoon-baar kar diyaa