dil e aazaada rau men wo tamannaa thii bayaabaan ki

Dil-e-aazaada-rau men wo tamannaa thee bayaabaan kee Qadam rakhte hee shaq hone lagee deevaar zindaan kee Khuda kee rahmaten ai mutrib-e-rangeen-navaa tujh par Ki har kaanTe men too ne ruuh dauDaa dee gulistaan kee Ye saabit kar diyaa tujh ko banaa kar dast-e-qudrat ne Ki ho saktee hain itnee khoobiyaan soorat men insaan kee Naseem-e-sub.h ThanDee saans bhartee hai mazaaron par Udaasee munh-andhere dekhiye gor-e-ghareebaan kee Ye aalam kya hai ik majmooa hai naacheez zarron kaa Ye Dunya kya hai ik tarkeeb ajzaa-e-pareshaan kee Havaaon ke wo jhonke wo khule maidaan kee sardee Wo lahren chaand se rukhsaar par zulf-e-pareshaan kee Hamaaree zindagee kya silsila ik dil dhaDakne kaa Hamaaree maut kya jumbish hai ik jazbaat-e-pinhaan kee Banaa dengee yaqeen hai 'josh' mard-e-baa-khuda ik din Tapish-andoziyaan siine men barq-e-soz-e-pinhaan kee