dosto vaqt hai phir zakhm e jigar taaza karen

Dosto vaqt hai phir zakhm-e-jigar taaza karen Parda jumbish men hai phir aao nazar taaza karen Taa-kujaa naala-e-ghurbat ki chalee baad-e-shimaal Dil men phir zamzama-e-azm-e-safar taaza karen Aao phir dhuum se ho aaj ghuroob aur tuloo Sunnat-e-bandagi-e-shams-o-qamar taaza karen Aao chal kar rukh-e-naa-shusta ko dekhen dam-e-sub.h Mauj-e-rang-e-ufuq o noor-e-sahar taaza karen Kulah-e-faqr ko kaj kar ke sar-e-bazm-e-nashaat Aao rasm-e-kohn-e-taaj-o-kamar taaza karen Aao phir jalva-e-jaanaan pe luTaa den kaunain Shughl-e-paareena-e-arbaab-e-nazar taaza karen Tabaq-e-zar men lagaa kar pa-e-nazar-e-jaanaan Aao phir aabroo-e-laal-o-guhar taaza karen Aao phir 'josh' ko de kar laqab-e-shaah-e-sukhan Dil-o-deen-e-sukhan o jaan-e-hunar taaza karen