duur andesh mariizon ki ye aadat dekhii

Door-andesh mareezon kee ye aadat dekhee Har taraf dekh liyaa jab tiree soorat dekhee Aa.e aur ik nigah-e-khaas se phir dekh ga.e Jabki aate hue beemaar men taaqat dekhee Quvvaten zabt kee har chand sambhaale thiin mujhe Phir bhee Darte hue main ne tiree soorat dekhee Mahfil-e-hashr men ye kaun hai meer-e-majlis Ye to ham ne koi dekhee huee soorat dekhee Sab ye kahte hain use ab koi aazaar nahin Kyuun sitamgaar mire zabt kee quvvat dekhee Sone vaalon pe na chamkaa kabhi noor-e-saharee Rone vaalon hee ke chehron pe sabaahat dekhee Is qadar yaas bhee hotee hai kaheen Dunya men Ro diye ham jo tiree chashm-e-inaayat dekhee Mujh ko ta.aleem se fursat hee kahaan ai 'shabbeer' Kah liyaa sher koi jab kabhi fursat dekhee