east india company ke farzandon se khitaab

Kis zabaan se kah rahe ho aaj tum saudaagaro Dahr men insaaniyat ke naam ko oonchaa karo Jis ko sab kahte hain hitler bheDiyaa hai bheDiyaa BheDiye ko maar do golee pa.e-amn-o-baqaa Baagh-e-insaanee men chalne hee pe hai baad-e-khizaan Aadamiyyat le rahi hai hichkiyon par hichkiyaan Haath hai hitler kaa rakhsh-e-khud-saree kee baag par Tegh kaa paanee chhiDak do germany kee aag par Sakht hairaan hoon ki mahfil men tumhaaree aur ye zikr Nau-e-insaanee ke mustaqbil kee ab karte ho fikr Jab yahaan aa.e the tum saudaagaree ke vaaste Nau-e-insaanee ke mustaqbil se kiyaa vaaqif na the Hindiyon ke jism men kya rooh-e-aazaadee na thee Sach bataao kya wo insaanon kee aabaadee na thee Apne zulm-e-be-nihaayat kaa fasaana yaad hai Company kaa phir wo daur-e-mujrimaana yaad hai LooTte phirte the jab tum kaarvaan-dar-kaarvaan Sar-barahna phir rahi thee daulat-e-hindostaan Dast-kaaron ke angooThe kaaTte phirte the tum Sard laashon se gaDhon ko paaTte phirte the tum San.at-e-hindostaan par maut thee chhaa.ee huee Maut bhee kaisee tumhaare haat kee laa.ee huee Allaah allaah kis qadar insaaf ke taalib ho aaj Meer-ja.afar kee qasam kya dushman-e-haq tha 'siraaj' Kyaa avadh kee begamon kaa bhee sataanaa yaad hai Yaad hai jhaansee kee raanee kaa zamaana yaad hai Hijrat-e-sultaan-e-dehlee kaa samaan bhee yaad hai Sher-dil 'Teepoo' kee khooneen daastaan bhee yaad hai Teesare faaqe men ik girte hue ko thaamne Kas ke tum laa.e the sar shaah-e-zafar ke saamne Yaad to hogee wo maTiyaa-burj kee bhee daastaan Ab bhee jis kee khaak se uThtaa hai rah rah kar dhuaan Tum ne qaisar-e-baagh ko dekhaa to hogaa baarhaa Aaj bhee aatee hai jis se haa.e 'akhtar' kee sadaa Sach kaho kya haafize men hai wo zulm-e-be-panaah Aaj tak ragon men ik qabr hai jis kee gavaah Zehn men hogaa ye taaza hindiyon kaa daagh bhee Yaad to hogaa tumhen jallianwala-bagh bhee Poochh lo is se tumhaaraa naam kyuun taabinda hai 'dyer'-e-gurg-e-dahan-aalood ab bhee zinda hai Vo 'bhagat-singh' ab bhee jis ke gham men dil naashaad hai Us kee gardan men jo Daalaa tha wo phandaa yaad hai Ahl-e-aazaadee raha karte the kis hanjaar se Poochh lo ye qaid-khaanon ke dar-o-deevaar se Ab bhee hai mahfooz jis par tantana sarkaar kaa Aaj bhee goonjee huee hai jin men koDon kee sadaa Aaj kashtee amn ke amvaaj par khete ho kyuun Sakht hairaan hoon ki ab tum dars-e-haq dete ho kyuun Ahl-e-quvvat daam-e-haq men to kabhi aate nahin ''bankee'' akhlaaq ko khatre men bhee laate nahin Lekin aaj akhlaaq kee talqeen farmaate ho tum Ho na ho apne men ab quvvat nahin paate ho tum Ahl-e-haq raushan-nazar hain ahl-e-baatin kor hain Ye to hain aqvaal un qaumon ke jo kamzor hain Aaj shaayad manzil-e-quvvat men tum rahte nahin Jis kee laaThee us kee bhains ab kis liye kahte nahin Kyaa kahaa insaaf hai insaan kaa farz-e-avvaleen Kyaa fasaad-o-zulm kaa ab tum men kas baaqee nahin Der se baiThe ho nakhl-e-raastee kee Chaaon men Kyaa khuda-naa-karda kuch moch aa ga.ee hai paanv men Guunj Taapon kee na aabaadee na veeraane men hai Khair to hai asp-e-taazee kya shifaa-khaane men hai Aaj kal to har nazar men rahm kaa andaaz hai Kuchh tabee.at kya naseeb-e-dushmanaan naa-saaz hai Saans kya ukhDee ki haq ke naam par marne lage Nau-e-insaan kee havaa-khvaahee kaa dam bharne lage Zulm bhoole raagnee insaaf kee gaane lage Lag ga.ee hai aag kya ghar men ki chillaane lage Mujrmon ke vaaste zebaa nahin ye shor-o-shain Kal 'yazeed' o 'shimr' the aur aaj bante ho 'husain' Khair ai saudaagaro ab hai to bas is baat men Vaqt ke farmaan ke aage jhukaa do gardanen Ik kahaanee waqt likkhegaa na.e mazmoon kee Jis kee surkhee ko zaroorat hai tumhaare Khoon kee Vaqt kaa farmaan apna rukh badal saktaa nahin Maut Tal saktee hai ab farmaan Tal saktaa nahin Kis zaban se kah rahe ho aaj tum saudagaro Dahr mein insaniyat ke nam ko uncha karo Jis ko sab kahte hain hitler bheDiya hai bheDiya BheDiye ko mar do goli pae-amn-o-baqa Bagh-e-insani mein chalne hi pe hai baad-e-KHizan Aadamiyyat le rahi hai hichkiyon par hichkiyan Hath hai hitler ka raKHsh-e-KHud-sari ki bag par Tegh ka pani chhiDak do germany ki aag par SaKHt hairan hun ki mahfil mein tumhaari aur ye zikr Nau-e-insani ke mustaqbil ki ab karte ho fikr Jab yahan aae the tum saudagari ke waste Nau-e-insani ke mustaqbil se kiya waqif na the Hindiyon ke jism mein kya ruh-e-azadi na thi Sach batao kya wo insanon ki aabaadi na thi Apne zulm-e-be-nihayat ka fasana yaad hai Company ka phir wo daur-e-mujrimana yaad hai LuTte phirte the jab tum karwan-dar-karwan Sar-barahna phir rahi thi daulat-e-hindostan Dast-karon ke anguThe kaTte phirte the tum Sard lashon se gaDhon ko paTte phirte the tum Sanat-e-hindostan par maut thi chhai hui Maut bhi kaisi tumhaare hat ki lai hui Allah allah kis qadar insaf ke talib ho aaj Mir-jafar ki qasam kya dushman-e-haq tha 'siraj' Kya awadh ki begamon ka bhi satana yaad hai Yaad hai jhansi ki rani ka zamana yaad hai Hijrat-e-sultan-e-dehli ka saman bhi yaad hai Sher-dil 'Tipu' ki KHunin dastan bhi yaad hai Tisare faqe mein ek girte hue ko thamne Kas ke tum lae the sar shah-e-zafar ke samne Yaad to hogi wo maTiya-burj ki bhi dastan Ab bhi jis ki KHak se uThta hai rah rah kar dhuan Tum ne qaisar-e-bagh ko dekha to hoga barha Aaj bhi aati hai jis se hae 'aKHtar' ki sada Sach kaho kya hafize mein hai wo zulm-e-be-panah Aaj tak ragoon mein ek qabr hai jis ki gawah Zehn mein hoga ye taza hindiyon ka dagh bhi Yaad to hoga tumhein jallianwala-bagh bhi Puchh lo is se tumhaara nam kyun tabinda hai 'dyer'-e-gurg-e-dahan-alud ab bhi zinda hai Wo 'bhagat-singh' ab bhi jis ke gham mein dil nashad hai Us ki gardan mein jo Dala tha wo phanda yaad hai Ahl-e-azadi raha karte the kis hanjar se Puchh lo ye qaid-KHanon ke dar-o-diwar se Ab bhi hai mahfuz jis par tantana sarkar ka Aaj bhi gunji hui hai jin mein koDon ki sada Aaj kashti amn ke amwaj par khete ho kyun SaKHt hairan hun ki ab tum dars-e-haq dete ho kyun Ahl-e-quwwat dam-e-haq mein to kabhi aate nahin Banki aKHlaq ko KHatre mein bhi late nahin Lekin aaj aKHlaq ki talqin farmate ho tum Ho na ho apne mein ab quwwat nahin pate ho tum Ahl-e-haq raushan-nazar hain ahl-e-baatin kor hain Ye to hain aqwal un qaumon ke jo kamzor hain Aaj shayad manzil-e-quwwat mein tum rahte nahin Jis ki laThi us ki bhains ab kis liye kahte nahin Kya kaha insaf hai insan ka farz-e-awwalin Kya fasad-o-zulm ka ab tum mein kas baqi nahin Der se baiThe ho naKHl-e-rasti ki chhanw mein Kya KHuda-na-karda kuch moch aa gai hai panw mein Gunj Tapon ki na aabaadi na virane mein hai KHair to hai asp-e-tazi kya shifa-KHane mein hai Aaj kal to har nazar mein rahm ka andaz hai Kuchh tabiat kya nasib-e-dushmanan na-saz hai Sans kya ukhDi ki haq ke nam par marne lage Nau-e-insan ki hawa-KHwahi ka dam bharne lage Zulm bhule ragni insaf ki gane lage Lag gai hai aag kya ghar mein ki chillane lage Mujrmon ke waste zeba nahin ye shor-o-shain Kal 'yazid' o 'shimr' the aur aaj bante ho 'husain' KHair ai saudagaro ab hai to bas is baat mein Waqt ke farman ke aage jhuka do gardanen Ek kahani waqt likkhega nae mazmun ki Jis ki surKHi ko zarurat hai tumhaare KHun ki Waqt ka farman apna ruKH badal sakta nahin Maut Tal sakti hai ab farman Tal sakta nahin