husn e biimaar

Kya ghazab hai husn ke beemaar hone kee sadaa Jaise kachchee niind se bedaar hone kee adaa Inkisaar-e-husn palkon ke jhapakne men nihaan Neem-vaa beemaar aankhon se muravvat see ayaan Jumbish-e-mizhgaan men ghaltaan saaz-e-gham kaa zer o bam Khaamushee men par-fishaan eefaa-e-paimaan kee qasam Ehtiraam-e-ishq kee rau dil-nasheen awaaz men Ek pheeke-pan kaa sannaaTaa dayaar-e-naaz men Al-amaan aankhon kee neem-afsurda see afsoon-garee Ek dhundlaa saa tabassum ik thakee see dilbaree ChooDiyaan Dheelee dilaa.ee par shikan maathe pe haat Lab pe khushkee rukh pe soondhaa-pan nazar men iltifaat Halkee halkee jhalkiyaan rukhsaar par yuun nuur kee Jaise gul par sub.h-e-kaazib kee suhaanee chaandnee Le raha hai karvaTen aariz men yuun rang-e-shabaab Jis tarah mauj-e-khiraamaan par ziyaa-e-maahtaab Husn yuun khoyaa huaa saa bazm-e-mahsoosaat men Jaise donon waqt milte hoon bharee barsaat men Yuun hai ik raushan namee see chashm-e-sehar-andaaz men Sub.h ko shabnam ho jaise ma.ariz-e-parvaaz men Jaise kohre men koi taabinda manzar duur kaa Jaise pichhlee raat ke siine pe Doraa nuur kaa Aise izmehlaal par dunya kee barnaa.ee nisaar Aisee beemaaree par ejaaz-e-maseehaa.ee nisaar Kya ghazab hai husn ke bimar hone ki sada Jaise kachchi nind se bedar hone ki ada Inkisar-e-husn palkon ke jhapakne mein nihan Nim-wa bimar aankhon se murawwat si ayan Jumbish-e-mizhgan mein ghaltan saz-e-gham ka zer o bam KHamushi mein par-fishan ifa-e-paiman ki qasam Ehtiram-e-ishq ki rau dil-nashin aawaz mein Ek phike-pan ka sannaTa dayar-e-naz mein Al-aman aankhon ki nim-afsurda si afsun-gari Ek dhundla sa tabassum ek thaki si dilbari ChuDiyan Dhili dilai par shikan mathe pe hat Lab pe KHushki ruKH pe sundha-pan nazar mein iltifat Halki halki jhalkiyan ruKHsar par yun nur ki Jaise gul par subh-e-kazib ki suhani chandni Le raha hai karwaTen aariz mein yun rang-e-shabab Jis tarah mauj-e-KHiraman par ziya-e-mahtab Husn yun khoya hua sa bazm-e-mahsusat mein Jaise donon waqt milte hun bhari barsat mein Yun hai ek raushan nami si chashm-e-sehar-andaz mein Subh ko shabnam ho jaise mariz-e-parwaz mein Jaise kohre mein koi tabinda manzar dur ka Jaise pichhli raat ke sine pe Dora nur ka Aise izmehlal par duniya ki barnai nisar Aisi bimari par ejaz-e-masihai nisar