is baat ki nahin hai koi intihaa na puuchh

Is baat kee naheen hai koee intihaa na poochh Ai mudda.aa-e-khalq miraa mudda.aa na poochh Kya kah ke phuul bantee hain kaliyaan gulaab kee Ye raaz mujh se bulbul-e-sheereen-navaa na poochh Jitne gadaa-navaaz the kab ke guzar chuke Ab kyuun bichhaa.e baiThe hain ham boriyaa na poochh Pesh-e-nazar hai past-o-buland-e-rah-e-junoon Ham be-khudon se qissa-e-arz-o-samaa na poochh Sumbul se vaasta na chaman se munaasibat Is zulf-e-mushk-baar kaa haal ai sabaa na poochh Sad mahfil-e-nashaat hai ik sher-e-dil-nasheen Is barbat-e-sukhan men hai kis kee sadaa na poochh Kar rahm mere jeb o garebaan pe ham-nafas Chaltee hai koo-e-yaar men kyoonkar havaa na poochh Rahtaa naheen hai dahr men jab koee aasraa Us vaqt aadmee pe guzartee hai kya na poochh Har saans men hai chashma-e-haivaan-o-salsabeel Phir bhee main tishna-kaam hoon ye maajraa na poochh Banda tire vajood kaa munkir naheen magar Dunya ne kya diye hain sabaq ai khuda na poochh Kyuun 'josh' raaz-e-dost kee kartaa hai justujoo Kah do koee ki shaah kaa haal ai gadaa na poochh