jab se marne ki ji men thaanii hai
— Josh Malihabadi
Jab se marne kee jee men Thaanee hai
Kis qadar ham ko shaadmaanee hai
Shaa.iree kyuun na raas aa.e mujhe
Ye miraa fann-e-khaandaanee hai
Kyuun lab-e-iltijaa ko duun jumbish
Tum na maanoge aur na maanee hai
Aap ham ko sikhaa.en rasm-e-wafa
Mehrbaanee hai mehrbaanee hai
Dil milaa hai jinhen hamaaraa saa
Talkh un sab kee zindagaanee hai
Koee sadma zaroor pahunchegaa
Aaj Kuch dil ko shaadmaanee hai