ji men aataa hai ki phir mizhgaan ko barham kiijiye

Jee men aataa hai ki phir mizhgaan ko barham keejiye Kaasa-e-dil le ke phir daryooza-e-gham keejiye Goonjtaa thaa jis se koh-e-be-sutoon o dasht-e-najd Gosh-e-jaan ko phir unheen naalon kaa mahram keejiye Husn-e-be-parvaa ko de kar daavat-e-lutf-o-karam Ishq ke zer-e-nageen phir har do aalam keejiye Daur-e-pesheen kee tarah phir Daaliye siine men zakhm Zakhm kee lazzat se phir tayyaar marham keejiye Sub.h se taa shaam rahiye qissa-e-aariz men gum Shaam se taa sub.h zikr-e-zulf-e-barham keejiye Din ke hangaamon ko keejiye dil ke sannaaTe men gharq Raat kee khaamoshiyon ko vaqf-e-maatam keejiye Daa.imee aalaam kaa khoogar banaa kar ruuh ko Naa-gahaanee haadson kee gardanen kham keejiye Ghaiz kee dauDee huee hai lahar see asnaam men 'josh' ab ahl-e-haram se dostee kam keejiye