kaun le gaya ai yaar e dil nashiin wo adaa kaun le gaya

Ai yaar-e-dil-nasheen wo adaa kaun le gaya Tere nageen se naqsh-e-wafa kaun le gaya Hal kar diyaa tha jis ne muamma shabaab kaa Tujh se wo fikr-e-uqda-kushaa kaun le gaya Thaa lutf pahle qahr men ab sirf qahr hai Zulmat se mauj-e-aab-e-baqaa kaun le gaya Kyuun daf.atan labon pe khamoshee see chhaa ga.ee Is saaz-e-dil-nasheen kee sadaa kaun le gaya Aankhon se shaan-e-bazl-o-sakhaa kis ne chheen lee Siine se zauq-e-lutf-o-ataa kaun le gaya Thiin jis kee rau se khoon-e-tamannaa men surkhiyaan Rukhsaar se wo rang-e-wafa kaun le gaya Raaton ko maangnaa tha duaa meree diid kee Vo minnaten wo zauq-e-duaa kaun le gaya Ai shaah banda-parvar-e-sultaan-e-narm-dil Dil se tire khayaal-e-gadaa kaun le gaya Pahlee see wo kalaam men narmee nahin rahi Guftaar se mizaaj-e-sabaa kaun le gaya Ab 'josh' ke liye hain na aansoo na aah-e-sard Is gulsitaan kee aab-o-havaa kaun le gaya Ai yar-e-dil-nashin wo ada kaun le gaya Tere nagin se naqsh-e-wafa kaun le gaya Hal kar diya tha jis ne muamma shabab ka Tujh se wo fikr-e-uqda-kusha kaun le gaya Tha lutf pahle qahr mein ab sirf qahr hai Zulmat se mauj-e-ab-e-baqa kaun le gaya Kyun dafatan labon pe KHamoshi si chha gai Is saz-e-dil-nashin ki sada kaun le gaya Aankhon se shan-e-bazl-o-saKHa kis ne chhin li Sine se zauq-e-lutf-o-ata kaun le gaya Thin jis ki rau se KHun-e-tamanna mein surKHiyan RuKHsar se wo rang-e-wafa kaun le gaya Raaton ko mangna tha dua meri did ki Wo minnaten wo zauq-e-dua kaun le gaya Ai shah banda-parwar-e-sultan-e-narm-dil Dil se tere KHayal-e-gada kaun le gaya Pahli si wo kalam mein narmi nahin rahi Guftar se mizaj-e-saba kaun le gaya Ab 'josh' ke liye hain na aansu na aah-e-sard Is gulsitan ki aab-o-hawa kaun le gaya