khaatuun e mashriq

Ghuncha-e-dil mard kaa roz-e-azal jab khul chukaa Jis qadar taqdeer men likkhaa huaa tha mil chukaa Daf.atan goonjee sadaa phir aalam-e-anvaar men Aurten dunya kee haazir hon mire darbaar men Auraton kaa kaarvaan par kaarvaan aane lagaa Phir fazaa men parcham-e-in.aam lahraane lagaa Naaz se hooren taraane hamd ke gaane lageen Aurten bhar bhar ke apnee jholiyaan jaane lageen Jab raha kuch bhee na baaqee keesa-e-in.aam men Kaanptee haazir huiin phir asia kee aurten Dil men khauf-e-shuma.i-e-qismat se ghabraa.ee huee Ro.ab se neechee nigaahen aankh sharmaa.ee huee Hilm ke saanche men rooh-e-naaz ko Dhaale hue Gardanon men kham saron par chaadaren Daale hue Aakhir is andaaz par rahmat ko pyaar aa hee gaya Mai-kade par jhuum kar abr-e-bahaar aa hee gaya Muskuraa kar khaaliq-e-arz-o-samaa ne dee nidaa Ai ghazaal-e-mashriqee aa takht ke nazdeek aa Nematen sab baT chukeen lekin na honaa muzmahil Sab ko bakhshe hain dimaagh aur le tujhe dete hain dil Ye vahee dil hai jo mazrab hoke soz o saaz se Mere pahloo men dhaDaktaa tha ajab andaaz se Tujh ko wo rukh apnee seerat kaa diye dete hain ham Jis men yazdaanee nissaa.iyat kee zulfon ke hain kham Aa ki tujh ko saahib-e-mahr-o-wafa karte hain ham Le khud apnee jumbish-e-mizhgaan ataa karte hain ham Pahloo-e-khaatoon-e-mashriq men ba-sad tamkeen o naaz Muntaqil ho jaa uloohiyat ke siine ke gudaaz Aurten aqvaam-e-aalam kee bhaTak jaa.engee jab Too rahegee ban ke us toofaan men ik mauj-e-tarab Husn ho jaa.egaa jab auron kaa vaqf-e-khaas-o-aam Deedanee hogaa tire khalvat-kade kaa ehtimaam Aalam-e-nisvaan pe kaalee raat jab chhaa jaa.egee Ye tire maathe kee bindee sub.h ko sharmaa.egee Aurten bechaingee jab stage par baa-raqs-o-chang Apnee aankhon kee lagaavaT apne rukhsaaron kaa rang Un ke aage har nayaa maidaan hogaa jalva-gaah Aur tiraa stage hogaa sirf shauhar kee nigaah Godiyaan phailaa ke jab maangengee baa-sidq-o-safaa Aurten aulaad ke paidaa na hone kee duaa Muzhda-baad ai asia kee dukhtar-e-paakeeza-tar Aanch aa.egee na tere madaraana zauq par Maaon kee ghaflat se jab bachchon ko pahunchegaa gazand Jab fughaan be-tarbiyat aulaad kee hogee buland Sirf ik teraa tabassum ai jamaal-e-taabnaak Seena-e-atfaal men paidaa karegaa rooh-e-paak Vo haraarat tere honTon kee na hogee paa.emaal Jiske sho.alon se nikhar jaataa hai rang-e-naunihaal Vo tiree ma.asoom ra.anaa.ee na hogee muzmahil Bakhshatee hai nasl-e-insaanee ke pahloo ko jo dil Vo bhee din aa.egaa jab tujh ko hee ai mast-e-hijaab Zeb degaa maathar-e-aulaad-e-aadam kaa khitaab Jab karegee sinf-e-naazuk apnee uryaanee pe naaz Sirf ik too is talaatum men rahegee paak-baaz Unke dil jab honge yaad-e-ma.asiyat se paash paash Tere rukh par ek bhee hogee na maazee kee kharaash Un kee raaten khauf-e-rusvaa.ee se hongee jab daraaz Tere siine men kisee shab kaa na hogaa koi raaz Dahshat-e-fardaa se tharraa.egaa jab un kaa ghuroor Haal se too hogee raazee khauf-e-mustaqbil se duur Jab uDegee un kee chashm-e-daam-e-parvarda men khaak Narm Dore teree aankhon ke rahenge taabnaak Narm honge tere jalve bhee tiree guftaar bhee Baa-hayaa hogee tiree paazeb kee jhankaar bhee Chhaanv bhee hogee na teree bazm-e-naav-nosh men Teraa partav tak rahegaa sharm ke aaghosh men Ai shuaa-e-arz-e-mashriq teree iffat kaa shi.aar Kaj karegaa mulk o millat kee kulaah-e-iftikhaar Aabroo hogaa gharaane bhar kee teraa rakh-rakhaao Degaa teraa baap shaan-e-fakhr se monchhon pe taav Teree aankhon kee kiran se ai jahaan-e-aitbaar Jagmagaa.egee nasab-naamon kee lauh-e-zar-nigaar Bul-havas kaa sar jhukaa degee tiree adnaa jhalak Hogee lahje men tire nabz-e-tahaarat kee dhamak Teree peshaanee pe jhalkegaa misaal-e-barq-e-toor Tifl kaa naaz-e-sharaafat aur shauhar kaa ghuroor Ilm se har chand tujh ko kam kiyaa hai bahra-mand Lekin is se ho na ai ma.asoom aurat dard-mand Jab zaroorat se ziyaada naaz farmaataa hai ilm Aariz-e-taabaan ke bhole-pan ko khaa jaataa hai ilm Nutq ho jaataa hai ilmee istelaahon se udaas La.al-e-lab men shahad kee baaqee nahin rahtee miThaas Ilm uThaa letaa hai bazm-e-jaan se sham-e-etaqaad Khaal-o-khad kee maut hai chehre kee shaan-e-ijtihaad Qa.ar-e-vahshat kee taraf muDtee hai aksar raah-e-fan Jhaanktee rahtee hai is ghurfe se chashm-s-ahraman ChhoD detee takallum ko mulaa.em qeel-o-qaal Ilm kaa had se guzar jaanaa hai tauheen-e-jamaal Ilm se baDhtee hai aql aur aql hai wo bad-dimaagh Jo bujhaa detee hai siine men mohabbat kaa charaagh Ilm se baaqee nahin rahte mohabbat ke sifaat Aur mohabbat hai faqat le de ke teree kaa.enaat Dekh tujh par ilm kee bharpoor paD jaa.e na zarb Bhaag is parde men hain shaitaan ke aalaat-e-harb Ilm se rahtee hai paaband-e-shikan jis kee jabeen Naaz se shaanon par us kee zulf lahraatee nahin Vaqt se pahle bulaa lete hain piiree ko uluum Umr se aage nikal jaate hain chehre bil-umoom Jin labon ko chaaT paD jaatee hai qeel-o-qaal kee Un kee garmee ko tarastee hai jabeen atfaal kee Ik junoon-parvar bagoolaa hai wo ilm-e-be-vasooq Jis kee rau men kaanpne lagte hain shauhar ke huqooq Duur hee se aise ilm-e-jahl-parvar ko salaam Husn-e-nisvaan ko banaa deta ho jo jaageer-e-aam Jis jagah hooraan-e-jannat kaa kiyaa hai tazkira Kyaa kahaa hai aur bhee kuch ham ne juz husn o hayaa Tazkira hooron kaa hai mahz ek tasveer-e-jamaal Ham ne kya unko kahaa hai ''saahib-e-fazl-o-kamaal'' Hech hai har chiiz zevar ghaaza afshaan rang o khaal Husn khud apnee jagah hai sau kamaalon kaa kamaal Chaandnee, qaus-e-quzah, aurat, shagoofa, laala-zaar Ilm kaa in narm shaanon par koi rakhtaa hai baar? Raushnaa.ee men kaheen ghultee hai mauj-e-maahtaab Kyaa koi auraaq-e-gul par tab.a kartaa hai kitaab Mere aalam men nahin is bad-mazaaqee kaa shi.aar Kaakul-e-afsaana ho dosh-e-haqeeqat se do-chaar Husn kaa aaghosh-e-rangeen dil-fareb-o-dilrubaa Ilm se ban jaa.e aqleedas kaa mahz ik daa.era! Mus.haf-e-roo-e-kitaabee roo-kash-e-naaz-e-gulaab Aur ban jaa.e ye ne.amat daftar-e-ilm-e-hisaab Naghma-e-sheereen ke daaman men ho shor-e-kaa.enaat Bazm-e-kaavish men jale sham-e-shabistaan-e-hayaat Garm ho tezaab kee khaulan se laale kaa ayaagh Ghuncha-e-nauras kaa taaq aur peer-e-maktab kaa charaag Shahpar-e-bulbul pe kheenchee jaa.e tasveer-e-shighaal! Motiyon par sabt ho toofaan kee mohr-e-jalaal Sub.h gharq-e-bahas ho ghunche khilaane ke evaz Dars den maujen sabaa kee gungunaane kee evaz Too na karnaa maghribee matvaaliyon kee race dekh Ghaat men teree lagaa hai fitna-e-iblees dekh Too na un kee tarah bharnaa arsa-e-fan men chhalaang Kokh taa ThanDee rahe bachchon se aur sandal se maang Dukhtaran-e-maghribee ko de na aurat kaa khitaab Ye mujassam ho ga.e hain kuch gunahgaaron ke khvaab Phir rahi hain yaa tiree nazron ke aage pur-fazaa Auraton ke bhes men shaitaan kee sartaabiyaan Ilm haasil kar faqat tadbeer-e-manzil ke liye Vo dimaaghon ke liye hain aur too dil ke liye! Ghuncha-e-dil mard ka roz-e-azal jab khul chuka Jis qadar taqdir mein likkha hua tha mil chuka Dafatan gunji sada phir aalam-e-anwar mein Aurten duniya ki hazir hon mere darbar mein Auraton ka karwan par karwan aane laga Phir faza mein parcham-e-inam lahrane laga Naz se huren tarane hamd ke gane lagin Aurten bhar bhar ke apni jholiyan jaane lagin Jab raha kuch bhi na baqi kisa-e-inam mein Kanpti hazir huin phir asia ki aurten Dil mein KHauf-e-shumai-e-qismat se ghabrai hui Roab se nichi nigahen aankh sharmai hui Hilm ke sanche mein ruh-e-naz ko Dhaale hue Gardanon mein KHam saron par chadaren Dale hue AaKHir is andaz par rahmat ko pyar aa hi gaya Mai-kade par jhum kar abr-e-bahaar aa hi gaya Muskura kar KHaliq-e-arz-o-sama ne di nida Ai ghazal-e-mashriqi aa taKHt ke nazdik aa Nematen sab baT chukin lekin na hona muzmahil Sab ko baKHshe hain dimagh aur le tujhe dete hain dil Ye wahi dil hai jo mazrab hoke soz o saz se Mere pahlu mein dhaDakta tha ajab andaz se Tujh ko wo ruKH apni sirat ka diye dete hain hum Jis mein yazdani nissaiyat ki zulfon ke hain KHam Aa ki tujh ko sahib-e-mahr-o-wafa karte hain hum Le KHud apni jumbish-e-mizhgan ata karte hain hum Pahlu-e-KHatun-e-mashriq mein ba-sad tamkin o naz Muntaqil ho ja uluhiyat ke sine ke gudaz Aurten aqwam-e-alam ki bhaTak jaengi jab Tu rahegi ban ke us tufan mein ek mauj-e-tarab Husn ho jaega jab auron ka waqf-e-KHas-o-am Didani hoga tere KHalwat-kade ka ehtimam Aalam-e-niswan pe kali raat jab chha jaegi Ye tere mathe ki bindi subh ko sharmaegi Aurten bechaingi jab stage par ba-raqs-o-chang Apni aankhon ki lagawaT apne ruKHsaron ka rang Un ke aage har naya maidan hoga jalwa-gah Aur tera stage hoga sirf shauhar ki nigah Godiyan phaila ke jab mangengi ba-sidq-o-safa Aurten aulad ke paida na hone ki dua Muzhda-baad ai asia ki duKHtar-e-pakiza-tar Aanch aaegi na tere madarana zauq par Maon ki ghaflat se jab bachchon ko pahunchega gazand Jab fughan be-tarbiyat aulad ki hogi buland Sirf ek tera tabassum ai jamal-e-tabnak Sina-e-atfal mein paida karega ruh-e-pak Wo hararat tere honTon ki na hogi paemal Jiske shoalon se nikhar jata hai rang-e-naunihaal Wo teri masum ranai na hogi muzmahil BaKHshati hai nasl-e-insani ke pahlu ko jo dil Wo bhi din aaega jab tujh ko hi ai mast-e-hijab Zeb dega mathar-e-aulad-e-adam ka KHitab Jab karegi sinf-e-nazuk apni uryani pe naz Sirf ek tu is talatum mein rahegi pak-baz Unke dil jab honge yaad-e-masiyat se pash pash Tere ruKH par ek bhi hogi na mazi ki KHarash Un ki raaten KHauf-e-ruswai se hongi jab daraaz Tere sine mein kisi shab ka na hoga koi raaz Dahshat-e-farda se tharraega jab un ka ghurur Haal se tu hogi raazi KHauf-e-mustaqbil se dur Jab uDegi un ki chashm-e-dam-e-parwarda mein KHak Narm Dore teri aankhon ke rahenge tabnak Narm honge tere jalwe bhi teri guftar bhi Ba-haya hogi teri pazeb ki jhankar bhi Chhanw bhi hogi na teri bazm-e-naw-nosh mein Tera partaw tak rahega sharm ke aaghosh mein Ai shua-e-arz-e-mashriq teri iffat ka shiar Kaj karega mulk o millat ki kulah-e-iftiKHar Aabru hoga gharane bhar ki tera rakh-rakhao Dega tera bap shan-e-faKHr se monchhon pe taw Teri aankhon ki kiran se ai jahan-e-e'tibar Jagmagaegi nasab-namon ki lauh-e-zar-nigar Bul-hawas ka sar jhuka degi teri adna jhalak Hogi lahje mein tere nabz-e-tahaarat ki dhamak Teri peshani pe jhalkega misal-e-barq-e-tur Tifl ka naz-e-sharafat aur shauhar ka ghurur Ilm se har chand tujh ko kam kiya hai bahra-mand Lekin is se ho na ai masum aurat dard-mand Jab zarurat se ziyaada naz farmata hai ilm Aariz-e-taban ke bhole-pan ko kha jata hai ilm Nutq ho jata hai ilmi istelahon se udas Lal-e-lab mein shahad ki baqi nahin rahti miThas Ilm uTha leta hai bazm-e-jaan se sham-e-etaqad KHal-o-KHad ki maut hai chehre ki shan-e-ijtihad Qar-e-wahshat ki taraf muDti hai aksar rah-e-fan Jhankti rahti hai is ghurfe se chashm-s-ahraman ChhoD deti takallum ko mulaem qil-o-qal Ilm ka had se guzar jaana hai tauhin-e-jamal Ilm se baDhti hai aql aur aql hai wo bad-dimagh Jo bujha deti hai sine mein mohabbat ka charagh Ilm se baqi nahin rahte mohabbat ke sifat Aur mohabbat hai faqat le de ke teri kaenat Dekh tujh par ilm ki bharpur paD jae na zarb Bhag is parde mein hain shaitan ke aalat-e-harb Ilm se rahti hai paband-e-shikan jis ki jabin Naz se shanon par us ki zulf lahraati nahin Waqt se pahle bula lete hain piri ko ulum Umr se aage nikal jate hain chehre bil-umum Jin labon ko chaT paD jati hai qil-o-qal ki Un ki garmi ko tarasti hai jabin atfal ki Ek junun-parwar bagula hai wo ilm-e-be-wasuq Jis ki rau mein kanpne lagte hain shauhar ke huquq Dur hi se aise ilm-e-jahl-parwar ko salam Husn-e-niswan ko bana deta ho jo jagir-e-am Jis jagah huran-e-jannat ka kiya hai tazkira Kya kaha hai aur bhi kuch hum ne juz husn o haya Tazkira huron ka hai mahz ek taswir-e-jamal Hum ne kya unko kaha hai sahib-e-fazl-o-kamal Hech hai har chiz zewar ghaza afshan rang o KHal Husn KHud apni jagah hai sau kamalon ka kamal Chandni, qaus-e-quzah, aurat, shagufa, lala-zar Ilm ka in narm shanon par koi rakhta hai bar? Raushnai mein kahin ghulti hai mauj-e-mahtab Kya koi auraq-e-gul par taba karta hai kitab Mere aalam mein nahin is bad-mazaqi ka shiar Kakul-e-afsana ho dosh-e-haqiqat se do-chaar Husn ka aaghosh-e-rangin dil-fareb-o-dilruba Ilm se ban jae aqlidas ka mahz ek daera! Mushaf-e-ru-e-kitabi ru-kash-e-naz-e-gulab Aur ban jae ye neamat daftar-e-ilm-e-hisab Naghma-e-shirin ke daman mein ho shor-e-kaenat Bazm-e-kawish mein jale sham-e-shabistan-e-hayat Garm ho tezab ki khaulan se lale ka ayagh Ghuncha-e-nauras ka taq aur pir-e-maktab ka charag Shahpar-e-bulbul pe khinchi jae taswir-e-shighaal! Motiyon par sabt ho tufan ki mohr-e-jalal Subh gharq-e-bahas ho ghunche khilane ke ewaz Dars den maujen saba ki gungunane ki ewaz Tu na karna maghribi matwaliyon ki race dekh Ghat mein teri laga hai fitna-e-iblis dekh Tu na un ki tarah bharna arsa-e-fan mein chhalang Kokh ta ThanDi rahe bachchon se aur sandal se mang DuKHtaran-e-maghribi ko de na aurat ka KHitab Ye mujassam ho gae hain kuch gunahgaron ke KHwab Phir rahi hain ya teri nazron ke aage pur-faza Auraton ke bhes mein shaitan ki sartabiyan Ilm hasil kar faqat tadbir-e-manzil ke liye Wo dimaghon ke liye hain aur tu dil ke liye!