khabar hai ki nahin ab sabaa kuucha e jaanaan men guzre hai ki nahin

Ab sabaa koocha-e-jaanaan men guzre hai ki nahin Tujh ko is fitna-e-aalam kee khabar hai ki nahin Bujh gaya mehr kaa faanoos ki raushan hai abhee Ab un aankhon men lagaavaT kaa asar hai ki nahin Ab mere naam kaa paDhtaa hai vazeefa koi Ab miraa zikr-e-wafa dard-e-sahar hai ki nahin Ab bhee taktee hain miree raah wo kaafir aankhen Ab bhee duzdeeda nazar jaanib-e-dar hai ki nahin Chhup ke raaton ko miree yaad men rotaa hai koi Maujzan aankh men ab khoon-e-jigar hai ki nahin Husn ko pursish-e-beemaar kaa hai ab bhee khayaal Mehr kee zarra khaakee pe nazar hai ki nahin Be-khabar mujh ko zamaane se kiyaa hai jis ne Kuchh use meree tabaahee kee khabar hai ki nahin Khaa.e jaataa hai mujhe dard-e-ghareeb-ul-vatanee Dil par is jaan-e-vatan ke bhee asar hai ki nahin 'josh' khaamosh bhee ho poochh raha hai kya kya Kuchh tujhe taaDne vaalon kee khabar hai ki nahin Ab saba kucha-e-jaanan mein guzre hai ki nahin Tujh ko is fitna-e-alam ki KHabar hai ki nahin Bujh gaya mehr ka fanus ki raushan hai abhi Ab un aankhon mein lagawaT ka asar hai ki nahin Ab mere nam ka paDhta hai wazifa koi Ab mera zikr-e-wafa dard-e-sahar hai ki nahin Ab bhi takti hain meri rah wo kafir aankhen Ab bhi duzdida nazar jaanib-e-dar hai ki nahin Chhup ke raaton ko meri yaad mein rota hai koi Maujzan aankh mein ab KHun-e-jigar hai ki nahin Husn ko pursish-e-bimar ka hai ab bhi KHayal Mehr ki zarra KHaki pe nazar hai ki nahin Be-KHabar mujh ko zamane se kiya hai jis ne Kuchh use meri tabahi ki KHabar hai ki nahin Khae jata hai mujhe dard-e-gharib-ul-watani Dil par is jaan-e-watan ke bhi asar hai ki nahin 'josh' KHamosh bhi ho puchh raha hai kya kya Kuchh tujhe taDne walon ki KHabar hai ki nahin