kisaan jhutpute kaa narm rau Dariya shafaq kaa iztiraab

JhuTpuTe kaa narm-rau Dariya shafaq kaa iztiraab Khetiyaan maidaan khaamoshee ghuroob-e-aaftaab Dasht ke kaam-o-dahan ko din kee talkhee se faraagh Duur Dariya ke kinaare dhundle dhundle se charaagh Zer-e-lab arz o samaa men baahamee guft-o-shunood Mish.al-e-gardoon ke bujh jaane se ik halkaa saa duud Vus.aten maidaan kee suraj ke chhup jaane se tang Sabza-e-afsurda par khvaab-aafreen halkaa saa rang Khaamushee aur khaamushee men sansanaahaT kee sadaa Shaam kee khunkee se goyaa din kee garmee kaa gilaa Apne daaman ko baraabar qat.a saa kartaa huaa Teergee men khetiyon ke darmiyaan kaa faaslaa Khaar-o-khas par ek dard-angez afsaane kee shaan Baam-e-gardoon par kisee ke rooth kar jaane kee shaan Duub kee khushboo men shabnam kee namee se ik suroor Charkh par baadal zameen par titliyaan sar par tuyoor Paara paara abr surkhee surkhiyon men kuch dhuaan Bhoolee-bhaTkee see zameen khoyaa huaa saa aasmaan Pattiyaan makhmoor kaliyaan aankh jhapkaatee huee Narm-jaan paudon ko goyaa niind see aatee huee Ye samaan aur ik qavee insaan ya.anee kaast-kaar Irtiqaa kaa peshvaa tahzeeb kaa parvardigaar Jis ke maathe ke paseene se pa.e-izz-o-vaqaar Kartee hai daryooza-e-taabish kulaah-e-taajdaar Sar-nigoon rahtee hain jis se quvvaten takhreeb kee Jis ke buute par lachaktee hai kamar tahzeeb kee Jis kee mehnat se phabaktaa hai tan-aasaanee kaa baagh Jis kee zulmat kee hathelee par tamaddun kaa charaagh Jis ke baazoo kee salaabat par nazaakat kaa madaar Jis ke kas-bal par akaDtaa hai ghuroor-e-shahryaar Dhuup ke jhulse hue rukh par mashaqqat ke nishaan Khet se phere hue munh ghar kee jaanib hai ravaan Tokraa sar par baghal men phaaoDaa tevree pe bal Saamne bailon kee joDee dosh par mazboot hal Kaun hal zulmat-shikan qindeel-e-bazm-e-aab-o-gil Qasr-e-gulshan kaa dareecha seena-e-geetee kaa dil Khushnumaa shahron kaa baanee raaz-e-fitrat kaa suraagh Khaandaan-e-tegh-e-jauhar-daar kaa chashm-o-charaag Dhaar par jis kee chaman-parvar shagoofon kaa nizaam Shaam-e-zer-e-arz ko sub.h-e-darakhshaan kaa payaam Doobtaa hai khaak men jo ruuh dauDaataa huaa Muzmahil zarron kee mauseeqee ko chaunkaataa huaa Jis ke chhoo jaate hee misl-e-naazneen-e-mah-jabeen KarvaTon par karvaTen letee hai lailaa-e-zameen Parda-haa-e-khvaab ho jaate hain jis se chaak chaak Muskuraa kar apnee chaadar ko haTaa detee hai khaak Jis kee taabish men darakhshaanee hilaal-e-eed kee Khaak ke maayoos matl.a par kiran ummeed kee Tifl-e-baaraan taajdaar-e-khaak ameer-e-bostaan Maahir-e-aa.een-e-qudarat naazim-e-bazm-e-jahaan Naazir-e-gul paasbaan-e-rang-o-boo gulshan-panaah Naaz-parvar lahlahaatee khetiyon kaa baadshaah Vaaris-e-asraar-e-fitrat faateh-e-ummeed-o-beem Mahram-e-aasaar-e-baaraan vaaqif-e-tab.a-e-naseem Sub.h kaa farzand khursheed-e-zar-afshaan kaa alam Mehnat-e-paiham kaa paimaan sakht-koshee kee qasam Jalva-e-qudrat kaa shaahid husn-e-fitrat kaa gavaah Maah kaa dil mehr-e-aalam-taab kaa noor-e-nigaah Qalb par jis ke numaayaan nuur o zulmat kaa nizaam Munkashif jis kee faraasat par mizaaj-e-sub.h-o-shaam Khuun hai jis kee javaanee kaa bahaar-e-rozgaar Jis ke ashkon par faraaghat ke tabassum kaa madaar Jis kee mehnat kaa araq tayyaar kartaa hai sharaab UD ke jis kaa rang bin jaataa hai jaan-parvar gulaab Qalb-e-aahan jis ke naqsh-e-paa se hota hai raqeeq Sho.ala-khoo jhonkon kaa hamdam tez kirnon kaa rafeeq Khuun jis kaa bijliyon kee anjuman men baaryaab Jis ke sar par jagmagaatee hai kulaah-e-aaftaab Lahar khaataa hai rag-e-khaashaak men jis kaa lahoo Jis ke dil kee aanch ban jaatee hai sail-e-rang-o-boo DauDtee hai raat ko jis kee nazar aflaak par Din ko jis kee ungliyaan rahtee hain nabz-e-khaak par Jis kee jaankaahee se Tapkaatee hai amrit nabz-e-taak Jis ke dam se laala-o-gul ban ke itraatee hai khaak Saaz-e-daulat ko ataa kartee hai naghme jis kee aah Maangtaa hai bhiik taabaanee kee jis se roo-e-shaah Khuun jis kaa dauDtaa hai nabz-e-istiqlaal men Loch bhar deta hai jo shahzaadiyon kee chaal men Jis kaa mas khaashaak men bantaa hai ik chaadar maheen Jis kaa lohaa maan kar sonaa ugaltee hai zameen Hal pe dahqaan ke chamaktee hain shafaq kee surkhiyaan Aur dahqaan sar jhukaa.e ghar kee jaanib hai ravaan Us siyaasee rath ke pahiyon par jamaa.e hai nazar Jis men aa jaatee hai tezee khetiyon ko raund kar Apnee daulat ko jigar par teer-e-gham khaate hue Dekhtaa hai mulk-e-dushman kee taraf jaate hue Qat.a hotee hee nahin taareeki-e-hirmaan se raah Faaqa-kash bachchon ke dhundle aansuon par hai nigaah Sochtaa jaataa hai kin aankhon se dekhaa jaa.egaa Be-ridaa biivee kaa sar bachchon kaa munh utraa huaa Seem-o-zar naan-o-namak aab-o-ghizaa kuch bhee nahin Ghar men ik khaamosh maatam ke sivaa kuch bhee nahin Ek dil aur ye hujoom-e-sogvaaree haa.e haa.e Ye sitam ai sang-dil sarmaaya-daaree haa.e haa.e Teree aankhon men hain ghaltaan wo shaqaavat ke sharaar Jin ke aage khanjar-e-changez kee muDtee hai dhaar Bekason ke Khoon men Duube hue hain tere haat Kyaa chabaa Daalegee o kambakht saaree kaa.enaat Zulm aur itnaa koi had bhee hai is toofaan kee BoTiyaan hain tere jabDon men ghareeb insaan kee Dekh kar tere sitam ai haami-e-amn-o-amaan Gurg rah jaate hain daanton men dabaa kar ungliyaan Iddi.aa-e-pairvi-e-deen-o-eemaan aur too Dekh apnee kuhniyaan jin se Tapaktaa hai lahoo Haan sambhal jaa ab ki zahr-e-ahl-e-dil ke aab hain Kitne toofaan teree kashtee ke liye be-taab hain JhuTpuTe ka narm-rau dariya shafaq ka iztirab Khetiyan maidan KHamoshi ghurub-e-aftab Dasht ke kaam-o-dahan ko din ki talKHi se faragh Dur dariya ke kinare dhundle dhundle se charagh Zer-e-lab arz o sama mein bahami guft-o-shunud Mishal-e-gardun ke bujh jaane se ek halka sa dud Wusaten maidan ki suraj ke chhup jaane se tang Sabza-e-afsurda par KHwab-afrin halka sa rang KHamushi aur KHamushi mein sansanahaT ki sada Sham ki KHunki se goya din ki garmi ka gila Apne daman ko barabar qata sa karta hua Tirgi mein khetiyon ke darmiyan ka fasla KHar-o-KHas par ek dard-angez afsane ki shan Baam-e-gardun par kisi ke ruTh kar jaane ki shan Dub ki KHushbu mein shabnam ki nami se ek surur CharKH par baadal zamin par titliyan sar par tuyur Para para abr surKHi surKHiyon mein kuch dhuan Bhuli-bhaTki si zamin khoya hua sa aasman Pattiyan maKHmur kaliyan aankh jhapkati hui Narm-jaan paudon ko goya nind si aati hui Ye saman aur ek qawi insan yani kast-kar Irtiqa ka peshwa tahzib ka parwardigar Jis ke mathe ke pasine se pae-izz-o-waqar Karti hai daryuza-e-tabish kulah-e-tajdar Sar-nigun rahti hain jis se quwwaten taKHrib ki Jis ke bute par lachakti hai kamar tahzib ki Jis ki mehnat se phabakta hai tan-asani ka bagh Jis ki zulmat ki hatheli par tamaddun ka charagh Jis ke bazu ki salabat par nazakat ka madar Jis ke kas-bal par akaDta hai ghurur-e-shahryar Dhup ke jhulse hue ruKH par mashaqqat ke nishan Khet se phere hue munh ghar ki jaanib hai rawan Tokra sar par baghal mein phaoDa tewri pe bal Samne bailon ki joDi dosh par mazbut hal Kaun hal zulmat-shikan qindil-e-bazm-e-ab-o-gil Qasr-e-gulshan ka daricha sina-e-giti ka dil KHushnuma shahron ka bani raaz-e-fitrat ka suragh KHandan-e-tegh-e-jauhar-dar ka chashm-o-charag Dhaar par jis ki chaman-parwar shagufon ka nizam Sham-e-zer-e-arz ko subh-e-daraKHshan ka payam Dubta hai KHak mein jo ruh dauData hua Muzmahil zarron ki mausiqi ko chaunkata hua Jis ke chhu jate hi misl-e-naznin-e-mah-jabin KarwaTon par karwaTen leti hai laila-e-zamin Parda-ha-e-KHwab ho jate hain jis se chaak chaak Muskura kar apni chadar ko haTa deti hai KHak Jis ki tabish mein daraKHshani hilal-e-id ki KHak ke mayus matla par kiran ummid ki Tifl-e-baran tajdar-e-KHak amir-e-bostan Mahir-e-ain-e-qudarat nazim-e-bazm-e-jahan Nazir-e-gul pasban-e-rang-o-bu gulshan-panah Naz-parwar lahlahati khetiyon ka baadshah Waris-e-asrar-e-fitrat fateh-e-ummid-o-bim Mahram-e-asar-e-baran waqif-e-taba-e-nasim Subh ka farzand KHurshid-e-zar-afshan ka alam Mehnat-e-paiham ka paiman saKHt-koshi ki qasam Jalwa-e-qudrat ka shahid husn-e-fitrat ka gawah Mah ka dil mehr-e-alam-tab ka nur-e-nigah Qalb par jis ke numayan nur o zulmat ka nizam Munkashif jis ki farasat par mizaj-e-subh-o-sham KHun hai jis ki jawani ka bahaar-e-rozgar Jis ke ashkon par faraghat ke tabassum ka madar Jis ki mehnat ka araq tayyar karta hai sharab UD ke jis ka rang bin jata hai jaan-parwar gulab Qalb-e-ahan jis ke naqsh-e-pa se hota hai raqiq Shoala-KHu jhonkon ka hamdam tez kirnon ka rafiq KHun jis ka bijliyon ki anjuman mein baryab Jis ke sar par jagmagati hai kulah-e-aftab Lahar khata hai rag-e-KHashak mein jis ka lahu Jis ke dil ki aanch ban jati hai sail-e-rang-o-bu DauDti hai raat ko jis ki nazar aflak par Din ko jis ki ungliyan rahti hain nabz-e-KHak par Jis ki jaankahi se Tapkati hai amrit nabz-e-tak Jis ke dam se lala-o-gul ban ke itraati hai KHak Saz-e-daulat ko ata karti hai naghme jis ki aah Mangta hai bhik tabani ki jis se ru-e-shah KHun jis ka dauDta hai nabz-e-istiqlal mein Loch bhar deta hai jo shahzadiyon ki chaal mein Jis ka mas KHashak mein banta hai ek chadar mahin Jis ka loha man kar sona ugalti hai zamin Hal pe dahqan ke chamakti hain shafaq ki surKHiyan Aur dahqan sar jhukae ghar ki jaanib hai rawan Us siyasi rath ke pahiyon par jamae hai nazar Jis mein aa jati hai tezi khetiyon ko raund kar Apni daulat ko jigar par tir-e-gham khate hue Dekhta hai mulk-e-dushman ki taraf jate hue Qata hoti hi nahin tariki-e-hirman se rah Faqa-kash bachchon ke dhundle aansuon par hai nigah Sochta jata hai kin aankhon se dekha jaega Be-rida biwi ka sar bachchon ka munh utra hua Sim-o-zar nan-o-namak aab-o-ghiza kuch bhi nahin Ghar mein ek KHamosh matam ke siwa kuch bhi nahin Ek dil aur ye hujum-e-sogwari hae hae Ye sitam ai sang-dil sarmaya-dari hae hae Teri aankhon mein hain ghaltan wo shaqawat ke sharar Jin ke aage KHanjar-e-changez ki muDti hai dhaar Bekason ke KHun mein Dube hue hain tere hat Kya chaba Dalegi o kambaKHt sari kaenat Zulm aur itna koi had bhi hai is tufan ki BoTiyan hain tere jabDon mein gharib insan ki Dekh kar tere sitam ai hami-e-amn-o-aman Gurg rah jate hain danton mein daba kar ungliyan Iddia-e-pairwi-e-din-o-iman aur tu Dekh apni kuhniyan jin se Tapakta hai lahu Han sambhal ja ab ki zahr-e-ahl-e-dil ke aab hain Kitne tufan teri kashti ke liye be-tab hain