kya karoon

Phir dil men dard silsila-e-jumbaa hai kya karoon Phir ashk garm-e-daavat-e-mizhgaan hai kya karoon Phir chaak chaak siina hai awaaz duun kise Phir taar taar jaib-o-garebaan hai kya karoon Phir ittisaal-e-gardan-o-khanjar hai kya kahoon Phir ikhtilaat-e-zakhm-o-namak-daan hai kya karoon Phir ik girah hareef-e-nafas hai kise bataa.oon Phir ik khaTak rafeeqe-e-rag-e-jaan hai kya karoon Siine men ek dashna saa letaa hai karvaTen Rag rag men ek aag see ghaltaan hai kya karoon Jis chiiz par madaar tha darmaan-e-zeest kaa Vo shai phir aaj dard kaa unvaan hai kya karoon Phir sar par abr-e-daur-e-junoon hai ghiraa huaa Phir dil men boo-e-zulf pareshaan hai kya karoon Phir ishq-e-naa-suboor kaa partav hai ruuh par Phir dil huzoor-e-aql pashemaan hai kya karoon Biite dinon kee yaad par afshaan hai kya karoon Raaton kee nam havaaon men taaron kee Chaaon men Biite dinon kee yaad par-afshaan hai kya karoon Jis chaandnee ko kho.e hue muddaten huiin Phir zehn ke ufuq se numaayaan hai kya karoon Taqdeer ne kabhi jo nikaalaa tha ik juloos Phir jaada-e-nafas pe khiraamaan hai kya karoon Vo gham ki de chukaa hoon jise baar-haa shikast Phir dil se 'josh' dast-o-garebaan hai kya karoon Phir dil mein dard silsila-e-jumba hai kya karun Phir ashk garm-e-dawat-e-mizhgan hai kya karun Phir chaak chaak sina hai aawaz dun kise Phir tar tar jaib-o-gareban hai kya karun Phir ittisal-e-gardan-o-KHanjar hai kya kahun Phir iKHtilat-e-zaKHm-o-namak-dan hai kya karun Phir ek girah harif-e-nafas hai kise bataun Phir ek khaTak rafiqe-e-rag-e-jaan hai kya karun Sine mein ek dashna sa leta hai karwaTen Rag rag mein ek aag si ghaltan hai kya karun Jis chiz par madar tha darman-e-zist ka Wo shai phir aaj dard ka unwan hai kya karun Phir sar par abr-e-daur-e-junun hai ghira hua Phir dil mein bu-e-zulf pareshan hai kya karun Phir ishq-e-na-subur ka partaw hai ruh par Phir dil huzur-e-aql pasheman hai kya karun Bite dinon ki yaad par afshan hai kya karun Raaton ki nam hawaon mein taron ki chhanw mein Bite dinon ki yaad par-afshan hai kya karun Jis chandni ko khoe hue muddaten huin Phir zehn ke ufuq se numayan hai kya karun Taqdir ne kabhi jo nikala tha ek julus Phir jada-e-nafas pe KHiraman hai kya karun Wo gham ki de chuka hun jise bar-ha shikast Phir dil se 'josh' dast-o-gareban hai kya karun