main ro raha hoon terii nazar hai itaab ki
— Josh Malihabadi
Main ro raha hoon teree nazar hai 'itaab kee
Shabnam ko pee rahee hai kiran aaftaab kee
Bujhne pe dil hai saans men bhee zaabta naheen
Zaalim duhaa.ee hai tire zor-e-shabaab kee
Manzoor hai khuda ko to pahunchoongaa roz-e-hashr
Chehre pe khaak mal ke dar-e-booturaab kee
Soorat-parast meree nigaahon ne asl men
Dil kya mire vujood kee miTTee kharaab kee
Har pankhuDee ke taaq men hans hans ke sub.h ko
Sham'en jalaa rahee hai kiran aaftaab kee