muflis

Zof se aankhon ke neeche titliyaan phirtee huee Auj-e-khuddaaree se dil par bijliyaan girtee huee Laash kaandhe par khud apne jazba-e-takreem kee Multajee chehre pe lahren see ummeed-o-beem kee Izzat-e-ajdaad ke sar par damaa-dam Thokaren Rishta-e-awaaz par lafzon kee paiham Thokaren Chehra-e-afsurda par ThanDaa paseena sharm kaa Sust nabzen bhiik kaa lahje ke andar Theekraa Qarz kee darkhvaast kee uljhee huee taqreer men Kapkapee a.asaab kee bechain dil kee larzishen Ik taraf haajat kee shiddat ik taraf ghairat kaa josh Nutq par harf-e-tamannaa dil men ghusse kaa kharosh Jumbish-e-mizhgaan ke zer-e-saaya naadaaree kee raat Jauhar-e-insaaniyat joDe hue aankhon men haat Saans dahshat se zameen kee aasmaan roke hue Muflisee mardaana lahje kee inaan roke hue Lab pe khushkee rukh pe zardee aankh sharmaa.ee huee Chashm o abroo men khudee kee aag kajlaa.ee huee Nafas men sheraana tevar aarzoo rooba-mizaaj Ehtiyaaj o ehtiyaaj o ehtiyaaj o ehtiyaaj! Zof se aankhon ke niche titliyan phirti hui Auj-e-KHuddari se dil par bijliyan girti hui Lash kandhe par KHud apne jazba-e-takrim ki Multaji chehre pe lahren si ummid-o-bim ki Izzat-e-ajdad ke sar par dama-dam Thokaren Rishta-e-awaz par lafzon ki paiham Thokaren Chehra-e-afsurda par ThanDa pasina sharm ka Sust nabzen bhik ka lahje ke andar Thikra Qarz ki darKHwast ki uljhi hui taqrir mein Kapkapi aasab ki bechain dil ki larzishen Ek taraf hajat ki shiddat ek taraf ghairat ka josh Nutq par harf-e-tamanna dil mein ghusse ka KHarosh Jumbish-e-mizhgan ke zer-e-saya nadari ki raat Jauhar-e-insaniyat joDe hue aankhon mein hat Sans dahshat se zamin ki aasman roke hue Muflisi mardana lahje ki inan roke hue Lab pe KHushki ruKH pe zardi aankh sharmai hui Chashm o abru mein KHudi ki aag kajlai hui Nafas mein sherana tewar aarzu ruba-mizaj Ehtiyaj o ehtiyaj o ehtiyaj o ehtiyaj!