muslim university aligarh se khitaab ai aligarh ai javaan qismat dabistaan e kuhan

Ai aligarh ai javaan-qismat dabistaan-e-kuhan Aql ke faanoos se raushan hai teree anjuman Hashr ke din tak phalaa-phoolaa rahe teraa chaman Tere paimaanon men larzaan hai sharaab-e-ilm-o-fan Rooh-e-'sir-sayyad' se raushan teraa mai-khaana rahe Rahtee dunya tak tiraa gardish men paimaana rahe Ek din ham bhee tiree aankhon ke beemaaron men the Teree zulf-e-kham najam ke nau-giraftaaron men the Teree jins-e-ilm-parvar ke khareedaaron men the Jaan-o-dil se tere jalvon ke parastaaron men the Mauj-e-kausar tha tiraa sail-e-adaa apne liye Aab-e-haivaan thee teree aab-o-havaa apne liye Ilm kaa pahlaa sabaq too ne paDhaayaa tha hamen Kis tarah jiite hain too ne hee bataayaa tha hamen Khvaab se tiflee ke too ne hee jagaayaa tha hamen Naaz se parvaan too ne hee chaDhaayaa tha hamen Mausam-e-gul keee khabar teree zabaanee aa.ee thee Tere baaghon men havaa khaa kar javaanee aa.ee thee Lekin ai ilm-o-jasaarat ke darakhshaan aaftaab Kuchh ba-alfaaz-e-digar bhee tujh se karnaa hai khitaab Go ye dhaDkaa hai ki hoongaa murid-e-qahr-o-itaab Kah bhee duun jo kuch hai dil men taa-kujaa ye pech-o-taab Ban paDe jo sa.ee apne se wo karnaa chaahiye Mard ko kahne ke mauqa pe na Darnaa chaahiye Ai aligarh ai halaak-e-taabish-e-vaz.a-e-farang 'thames' hai aaghosh men tere bajaa.e mauj-e-gang Vaadee-e-maghrib men gum hai tere dil keee har umang Valvalon men tere shaayad arsa-e-mashriq hai tang Kab hai maghrib ka.aba-e-haajat-ravaa tere liye Aa ki hai bechain rooh-e-asia tere liye Kushta-e-maghrib nigaar-e-sharq ke abroo bhee dekh Saaz-e-be-rangee ke juuyaa soz-e-rang-o-boo bhee dekh Nargis-e-arzaq ke shaidaa deeda-e-aahoo bhee dekh Ai sunahree zulf ke qaidee siyah gesoo bhee dekh Kar chukaa sair asl markaz par to aanaa chaahiye Apne ghar keee samt bhee aankhen uThaanaa chaahiye Pukhta-kaaree siikh ye aa.een-e-khaamee taa-kujaa Jaada-e-afrang par yuun tez-gaamee taa-kujaa Soch too jee men ye jhooTee nek-naamee taa-kujaa Maghribee tahzeeb kaa tauq-e-ghulaamee taa-kujaa Mard agar hai ghair keee taqleed karnaa chhoD de ChhoD de lillaah bil-aqsaat marnaa chhoD de Ai aligarh ai jawan-qismat dabistan-e-kuhan Aql ke fanus se raushan hai teri anjuman Hashr ke din tak phala-phula rahe tera chaman Tere paimanon mein larzan hai sharab-e-ilm-o-fan Ruh-e-'sir-sayyad' se raushan tera mai-KHana rahe Rahti duniya tak tera gardish mein paimana rahe Ek din hum bhi teri aankhon ke bimaron mein the Teri zulf-e-KHam najam ke nau-giraftaron mein the Teri jins-e-ilm-parwar ke KHaridaron mein the Jaan-o-dil se tere jalwon ke parastaron mein the Mauj-e-kausar tha tera sail-e-ada apne liye Aab-e-haiwan thi teri aab-o-hawa apne liye Ilm ka pahla sabaq tu ne paDhaya tha hamein Kis tarah jite hain tu ne hi bataya tha hamein KHwab se tifli ke tu ne hi jagaya tha hamein Naz se parwan tu ne hi chaDhaya tha hamein Mausam-e-gul kei KHabar teri zabani aai thi Tere baghon mein hawa kha kar jawani aai thi Lekin ai ilm-o-jasarat ke daraKHshan aaftab Kuchh ba-alfaz-e-digar bhi tujh se karna hai KHitab Go ye dhaDka hai ki hunga murid-e-qahr-o-itab Kah bhi dun jo kuch hai dil mein ta-kuja ye pech-o-tab Ban paDe jo sai apne se wo karna chahiye Mard ko kahne ke mauqa pe na Darna chahiye Ai aligarh ai halak-e-tabish-e-waza-e-farang 'thames' hai aaghosh mein tere bajae mauj-e-gang Wadi-e-maghrib mein gum hai tere dil kei har umang Walwalon mein tere shayad arsa-e-mashriq hai tang Kab hai maghrib kaba-e-hajat-rawa tere liye Aa ki hai bechain ruh-e-asia tere liye Kushta-e-maghrib nigar-e-sharq ke abru bhi dekh Saz-e-be-rangi ke juya soz-e-rang-o-bu bhi dekh Nargis-e-arzaq ke shaida dida-e-ahu bhi dekh Ai sunahri zulf ke qaidi siyah gesu bhi dekh Kar chuka sair asl markaz par to aana chahiye Apne ghar kei samt bhi aankhen uThana chahiye PuKHta-kari sikh ye aain-e-KHami ta-kuja Jada-e-afrang par yun tez-gami ta-kuja Soch tu ji mein ye jhuTi nek-nami ta-kuja Maghribi tahzib ka tauq-e-ghulami ta-kuja Mard agar hai ghair kei taqlid karna chhoD de ChhoD de lillah bil-aqsat marna chhoD de