na chhed shaair rabaab e rangiin ye bazm Abhi nukta daan nahin hai

Na chheD shaa.ir rabaab-e-rangeen ye bazm abhee nukta-daan nahin hai Tiree navaa-sanjiyon ke shaayaan fazaa-e-hindostaan nahin hai Tiree samaa.at nigaar-e-fitrat ke lahn kee raaz-daan nahin hai Vagarna zarra hai kaun aisa ki jis ke munh men zabaan nahin hai Agarche paamaal hain ye bahren magar sukhan hai buland hamdam Na dil men laanaa gumaan-e-pastee miree zameen aasmaan nahin hai Zameer-e-fitrat men pur-fishaan hai chaman kee tarteeb-e-nau kaa armaan Khizaan jise to samajh raha hai wo dar-haqeeqat khizaan nahin hai Hareem-e-anvaar-e-sarmadee hai har ek zarra ba-rabb-e-kaaba Miraa ye ainee mushaaheda hai fareb-e-vahm-o-gumaan nahin hai Har ek kaanTe pe surkh kirnen har ik kalee men charaagh raushan Khayaal men muskuraane vaale tiraa tabassum kahaan nahin hai Falak se hangaam-e-sher-goee sadaa.en paiham ye aa rahee hain Ki aaj ai 'josh' nukta-parvar tiraa saa jaadoo bayaan nahin hai