naqqaad

Rahm ai naqqaad-e-fan ye kya sitam kartaa hai too Koee nok-e-khaar se chhootaa hai nabz-e-rang-o-boo Shaa.eree aur mantaqee bahsen ye kaisaa qatl-e-aam Bursh-e-miqraaz kaa deta hai zulfon ko payaam Kyuun uThaa hai jins-e-shaa.er ke parakhne ke liye Kyaa shameem-e-sumbul-o-nasreen hai chakhne ke liye Ai adab naa-aashnaa ye bhee nahin tujh ko khayaal Nang hai bazm-e-sukhan men madrase kee qeel-o-qaal Mantaqee kaanTe pe rakhtaa hai kalaam-e-dil-pazeer Kaash is nukte ko samjhe teree tab-e-harf-geer Yaanee ik lai se lab-e-naaqid ko khulnaa chaahiye PankhuDee par qatra-e-shabnam ko tulnaa chaahiye Sher-fahmee ke liye hain jo sharaa.it be-khabar Soch too puuraa utartaa bhee hai us me.aar par Jalte dekhaa hai kabhi hastee ke dil kaa too ne daagh Aanch se jis kee ghizaa paataa hai shaa.er kaa dimaagh Dil se apne poochh o zindaani-e-ilm-e-kitaab Husn-e-qudarat ko bhee dekhaa hai bar-afganda-naqaab Too pataa asraar-e-hastee kaa lagaataa hai kabhi Aalam-e-mahsoos se baahar bhee jaataa hai kabhi Kyaa vahaan bhee uD ke pahunchaa hai kabhi ai nukta-cheen Kaanptaa hai jis fazaa men shahpar rooh-ul-ameen Khaamushee kee naghma-rezee par bhee sar dhuntaa hai too Qalb-e-fitrat ke dhaDakne kee sadaa suntaa hai too Ab buton kee bazm men too bhee huaa hai baaryaab Khaak ko parchhaa.iyaan jin kee banaatee hain gulaab Jo tabassum chheen lete hain shab-e-mahtaab se Jin kee barnaa.ee jagaatee hai dilon ko khvaab se Sach bataa too bhee hai kya ai kushta-e-sad-hirs-o-aaz Raaz-daan-e-kaakul-e-shab-rang o chashm-e-neem-baaz Teree nabzon men bhee machlee hai kabhi bijlee kee rau Soz-e-gham se teraa dil bhee kya kabhi deta hai lau Sach bataa ai aashiq-e-dereena-e-fikr-e-ma.aash Zahr men tiryaak ke unsur kee bhee kee hai talaash Mujh se aankhen to milaa ai dushman-e-soz-o-gudaaz Tujh pe kya azdaad kee tauheed kaa ifshaa hai raaz Teree raaton kee siyaahi men bhee ai zulmat-ma.aab Kyaa kabhi taal.e huaa hai muskuraa kar aaftaab Too gaya bhee hai nigaar-e-gham kee mahmil ke qareeb Aanch see mahsoos hotee hee kabhi dil ke qareeb Taur-e-ma.anee par bhee ai naa-faham chaDh saktaa hai too Kyaa musannif kee kitaab-e-dil bhee paDh saktaa hai too Ye nahin to pher le aankhen ye jalva aur hai Teree dunya aur hai shaa.er kee dunya aur hai Sher kee tahleel se pahle miree taqreer sun Khud zabaan-e-sher se aa sher kee tafseer sun Dil men jab ash.aar kee hotee hai baarish be-shumaar Nutq par boonden Tapak paDtee hain kuch be-ikhtiyaar Dhaal letee hai jinhen shaa.er kee tarkeeb-e-adab Dhal ke go wo gauhar-e-ghaltaan kaa paatee hain laqab Aur hotee hain tajallee-bakhsh taaj-e-zar-fishaan Phir bhee wo shaa.er kee nazron men hain khaalee seepiyaan Jin ke asraar-e-darakhshaan ruuh kee mahfil men hain Seepiyaan hain nutq kee maujon pe motee dil men hain Shaa.eree kaa khaanamaan hai nutq kaa luuTaa huaa Us kaa sheesha hai zabaan kee Thes se TuuTaa huaa Chhaa.e rahte hain jo shaa.er ke dil-e-sarshaar par TuuT kar aate hain wo naghme lab-e-guftaar par Jaagte rahte hain dil kee mahfil-e-khaamosh men Band kar lete hain aankhen nutq ke aaghosh men Log jin kee jaan-gudaazee se hain dil pakDe hue Khokhle naghme hain wo auzaan men jakDe hue Sher ho jaataa hai sirf ik jumbish-e-lab se niDhaal Saans kee garmee se paD jaataa hai is sheeshe men baal Jaam men aate hee uD jaatee hai shaa.er kee sharaab TuuT jaataa hai kinaare aate aate ye hubaab Is se baDh kar aur ho saktee hai kya hairat kee baat Sher ko samjhaa agar shaa.er kee too ne kaa.enaat Sher kiyaa jazb-e-daroon kaa ek naqsh-e-naa-tamaam Mushtaba saa ik ishaara ek mub.ham saa kalaam Kaif men ik ''laghzish-e-paa'' click-e-gauhar-baar kee ''iztiraaree ek jumbish sii'' lab-e-guftaar kee ''ek saut-e-khasta-o-mauhoom saaz-e-zauq ki'' ''murta.ish see ek awaaz'' intihaa-e-shauq kee Be-haqeeqat nai ke andar zamzama daa.ood kaa Aariz-e-mahdood par ik aks laa-mahdood kaa 'sher' kya aql o junoon kee mushtarak bazm-e-jamaal 'sher' kya hai ishq o hikmat kaa maqaam-e-ittisaal Zulmat-e-ib.haam men parchhaa.een tafseelaat kee Pech o kham khaate bagoole men chamak zarraat kee Joo-e-qudarat kee ravaanee dasht-e-masnooaat men TooTnaa rangeen sitaare kaa andheree raat men Sher kya hai niim bedaaree men bahnaa mauj kaa Barg-e-gul par niind men shabnam ke girne kee sadaa Tar-zabaanee aur khaamoshee kee mub.ham guftugoo Lafz o ma.anee men tavaazun kee nahufta aarzoo Baadalon se maah-e-nau kee ik uchaTtee see ziyaa Jhaanknaa qatre ke rauzan se uroos-e-bahr kaa Mar ke bhee too shaa.eree kaa bhed paa saktaa nahin Aql men ye mas.ala naazuk hai aa saktaa nahin Too samajhtaa tha jo kahnaa chaahiye tha kah gaya Poochh shaa.er se ki wo kya kah sakaa kya rah gaya Kaun samjhe sher ye kaise hain aur kaise nahin Dil samajhtaa hai ki jaise dil men the vaise nahin Rahm ai naqqad-e-fan ye kya sitam karta hai tu Koi nok-e-KHar se chhuta hai nabz-e-rang-o-bu Shaeri aur mantaqi bahsen ye kaisa qatl-e-am Bursh-e-miqraaz ka deta hai zulfon ko payam Kyun uTha hai jins-e-shaer ke parakhne ke liye Kya shamim-e-sumbul-o-nasrin hai chakhne ke liye Ai adab na-ashna ye bhi nahin tujh ko KHayal Nang hai bazm-e-suKHan mein madrase ki qil-o-qal Mantaqi kanTe pe rakhta hai kalam-e-dil-pazir Kash is nukte ko samjhe teri tab-e-harf-gir Yani ek lai se lab-e-naqid ko khulna chahiye PankhuDi par qatra-e-shabnam ko tulna chahiye Sher-fahmi ke liye hain jo sharait be-KHabar Soch tu pura utarta bhi hai us mear par Jalte dekha hai kabhi hasti ke dil ka tu ne dagh Aanch se jis ki ghiza pata hai shaer ka dimagh Dil se apne puchh o zindani-e-ilm-e-kitab Husn-e-qudarat ko bhi dekha hai bar-afganda-naqab Tu pata asrar-e-hasti ka lagata hai kabhi Aalam-e-mahsus se bahar bhi jata hai kabhi Kya wahan bhi uD ke pahuncha hai kabhi ai nukta-chin Kanpta hai jis faza mein shahpar ruh-ul-amin KHamushi ki naghma-rezi par bhi sar dhunta hai tu Qalb-e-fitrat ke dhaDakne ki sada sunta hai tu Ab buton ki bazm mein tu bhi hua hai baryab KHak ko parchhaiyan jin ki banati hain gulab Jo tabassum chhin lete hain shab-e-mahtab se Jin ki barnai jagati hai dilon ko KHwab se Sach bata tu bhi hai kya ai kushta-e-sad-hirs-o-az Raaz-dan-e-kakul-e-shab-rang o chashm-e-nim-baz Teri nabzon mein bhi machli hai kabhi bijli ki rau Soz-e-gham se tera dil bhi kya kabhi deta hai lau Sach bata ai aashiq-e-derina-e-fikr-e-maash Zahr mein tiryak ke unsur ki bhi ki hai talash Mujh se aankhen to mila ai dushman-e-soz-o-gudaz Tujh pe kya azdad ki tauhid ka ifsha hai raaz Teri raaton ki siyahi mein bhi ai zulmat-maab Kya kabhi tale hua hai muskura kar aaftab Tu gaya bhi hai nigar-e-gham ki mahmil ke qarib Aanch si mahsus hoti hi kabhi dil ke qarib Taur-e-mani par bhi ai na-faham chaDh sakta hai tu Kya musannif ki kitab-e-dil bhi paDh sakta hai tu Ye nahin to pher le aankhen ye jalwa aur hai Teri duniya aur hai shaer ki duniya aur hai Sher ki tahlil se pahle meri taqrir sun KHud zaban-e-sher se aa sher ki tafsir sun Dil mein jab ashaar ki hoti hai barish be-shumar Nutq par bunden Tapak paDti hain kuch be-iKHtiyar Dhaal leti hai jinhen shaer ki tarkib-e-adab Dhal ke go wo gauhar-e-ghaltan ka pati hain laqab Aur hoti hain tajalli-baKHsh taj-e-zar-fishan Phir bhi wo shaer ki nazron mein hain KHali sipiyan Jin ke asrar-e-daraKHshan ruh ki mahfil mein hain Sipiyan hain nutq ki maujon pe moti dil mein hain Shaeri ka KHanaman hai nutq ka luTa hua Us ka shisha hai zaban ki Thes se TuTa hua Chhae rahte hain jo shaer ke dil-e-sarshaar par TuT kar aate hain wo naghme lab-e-guftar par Jagte rahte hain dil ki mahfil-e-KHamosh mein Band kar lete hain aankhen nutq ke aaghosh mein Log jin ki jaan-gudazi se hain dil pakDe hue Khokhle naghme hain wo auzan mein jakDe hue Sher ho jata hai sirf ek jumbish-e-lab se niDhaal Sans ki garmi se paD jata hai is shishe mein baal Jam mein aate hi uD jati hai shaer ki sharab TuT jata hai kinare aate aate ye hubab Is se baDh kar aur ho sakti hai kya hairat ki baat Sher ko samjha agar shaer ki tu ne kaenat Sher kiya jazb-e-darun ka ek naqsh-e-na-tamam Mushtaba sa ek ishaara ek mubham sa kalam Kaif mein ek laghzish-e-pa click-e-gauhar-bar ki Iztirari ek jumbish si lab-e-guftar ki Ek saut-e-KHasta-o-mauhum saz-e-zauq ki Murtaish si ek aawaz intiha-e-shauq ki Be-haqiqat nai ke andar zamzama daud ka Aariz-e-mahdud par ek aks la-mahdud ka 'sher' kya aql o junun ki mushtarak bazm-e-jamal 'sher' kya hai ishq o hikmat ka maqam-e-ittisal Zulmat-e-ibham mein parchhain tafsilat ki Pech o KHam khate bagule mein chamak zarraat ki Ju-e-qudarat ki rawani dasht-e-masnuat mein TuTna rangin sitare ka andheri raat mein Sher kya hai nim bedari mein bahna mauj ka Barg-e-gul par nind mein shabnam ke girne ki sada Tar-zabani aur KHamoshi ki mubham guftugu Lafz o mani mein tawazun ki nahufta aarzu Baadalon se mah-e-nau ki ek uchaTti si ziya Jhankna qatre ke rauzan se urus-e-bahr ka Mar ke bhi tu shaeri ka bhed pa sakta nahin Aql mein ye masala nazuk hai aa sakta nahin Tu samajhta tha jo kahna chahiye tha kah gaya Puchh shaer se ki wo kya kah saka kya rah gaya Kaun samjhe sher ye kaise hain aur kaise nahin Dil samajhta hai ki jaise dil mein the waise nahin