qadam insaan kaa raah e dahr men tharraa hi jaataa hai

Qadam insaan kaa raah-e-dahr men tharraa hee jaataa hai Chale kitnaa hee koee bach ke Thokar khaa hee jaataa hai Nazar ho khvaah kitnee hee haqaa.iq-aashnaa phir bhee Hujoom-e-kashmakash men aadmee ghabraa hee jaataa hai Khilaaf-e-maslahat main bhee samajhtaa hoon magar naaseh Wo aate hain to chehre par taghayyur aa hee jaataa hai Havaa.en zor kitnaa hee lagaa.en aandhiyaan ban kar Magar jo ghir ke aataa hai wo baadal chhaa hee jaataa hai Shikaayat kyuun ise kahte ho ye fitrat hai insaan kee Museebat men khayaal-e-aish-e-rafta aa hee jaataa hai Shagoofon par bhee aatee hain balaa.en yuun to kahne ko Magar jo phuul ban jaataa hai wo kumhlaa hee jaataa hai Samajhtee hain ma.aal-e-gul magar kya zor-e-fitrat hai Sahar hote hee kaliyon ko tabassum aa hee jaataa hai