saarii Dunya hai ek parda e raaz
— Josh Malihabadi
Saaree Dunya hai ek parda-e-raaz
Uf re tere hijaab ke andaaz
Maut ko ahl-e-dil samajhte hain
Zindagaani-e-ishq kaa aaghaaz
Mar ke paayaa shaheed kaa rutba
Meree is zindagee kee umr daraaz
Koee aayaa tiree jhalak dekhee
Koee bolaa sunee tiree awaaz
Ham se kya poochhte ho ham kya hain
Ik bayaabaan men gum-shuda awaaz
Tere anvaar se labaalab hai
Dil kaa sab se amiiq gosha-e-raaz
Aa rahee hai sadaa-e-haatif-e-ghaib
'josh' hamta-e-haafiz-e-sheeraaz