subuu uthaa ki fazaa siim e khaam hai saaqii

Suboo uThaa ki fazaa seem-e-khaam hai saaqee Faraaz-e-koh pe maah-e-tamaam hai saaqee Chune hue hain piyaale jhukee huee botal Nayaa qu.uud niraalaa qayaam hai saaqee Ba-naaz-e-mughbachagaan o ba-faiz-e-naara-e-hoo Humaa-e-arz-o-samaa zer-e-daam hai saaqee Fazaa pe nahr-e-pur-afshaan-e-taab huur o tuhoor Ghinaa men shahr-e-qasoor-o-khayaam hai saaqee Ye kaun shaahid-e-mastee-farosh o naghma-navaaz Nafas ke taar pe garm-e-khiraam hai saaqee Na ism o jism na harf o nafas na saaya o naql Ye kya tilism ye kaisaa maqaam hai saaqee Ruke na daur ki ab tak ba-zer-e-charkh-e-kabood Riyaa halaal hai sahbaa haraam hai saaqee Ba-naam-e-aadam-o-havvaa pilaa ki garm-e-surood Naseem-e-roza-e-daarus-salaam hai saaqee Suboo-e-qila-shikan kee sipar inaayat kar Ki tegh-e-daur-e-zamaan be-niyaam hai saaqee Agar ghizaa-e-khayaal-o-nazar se hai mahroom Hayaat-e-zehn kaa maah-e-siyaam hai saaqee Tamaam daulat-e-duniya-o-deen pe bhaaree hai Wo dil jo basta-e-hubb-e-anaam hai saaqee Ajab naheen ki tujhe bhee pasand aa.e ye qaul Jhuke na dil to ibaadat haraam hai saaqee Sifaat o zaat ke aivaan-e-rooh-parvar tak Suboo se faasala-e-neem-gaam hai saaqee