tabassum hai wo honton par jo dil kaa kaam kar jaae

Tabassum hai wo honTon par jo dil kaa kaam kar jaa.e Unhen is kee naheen parvaa koee martaa hai mar jaa.e Duaa hai meree ai dil tujh se Dunya kuuch kar jaa.e Aur aisi Kuch bane tujh par ki armaanon se Dar jaa.e Jo mauqaa mil gaya to khizr se ye baat poochhenge Jise ho justujoo apnee wo bechaara kidhar jaa.e Sahar ko seena-e-aalam men partav Daalne vaale Tasadduq apne jalve kaa miraa baatin sanvar jaa.e Pareshaan baal karte hain unhen shokhee se matlab hai Bikhartaa hai agar sheeraaza-e-aalam bikhar jaa.e Hayaat-e-daa.imee kee lahar hai is zindagaanee men Agar marne se pahle ban paDe to 'josh' mar jaa.e