udhar mazhab idhar insaan ki fitrat kaa taqaazaa hai

Udhar maz.hab idhar insaan kee fitrat kaa taqaazaa hai Wo daamaan-e-mah-e-kan.aan hai ye dast-e-zulekhaa hai Idhar teree mashiyyat hai udhar hikmat rasoolon kee Ilaahee aadmee ke baab men kya hukm hota hai Ye maanaa donon hee dhoke hain rindee ho ki darveshee Magar ye dekhnaa hai kaun saa rangeen dhokaa hai Khilaunaa to nihaayat shokh o rangeen hai tamaddun kaa Muaarrif main bhee hoon lekin khilaunaa phir khilaunaa hai Mire aage to ab Kuch din se har aansoo mohabbat kaa Kanaar-e-aab-e-ruknaabaad o gulgasht-e-musallaa hai Mujhe maaloom hai jo Kuch tamannaa hai rasoolon kee Magar kya dar-haqeeqat wo khuda kee bhee tamannaa hai Mashiyyat khelnaa zebaa nahin meree baseerat se UThaa le in khilaunon ko ye Dunya hai wo uqbaa hai