waqt e muravvat

Alassabaah ki thee kaa.enaat sar-ba-sujood Falak pe shor-e-azaan tha zameen pe baang-e-durood Bahaar shabnam-aasooda thee ki rooh-e-khaleel Farogh-e-laala-o-gul tha ki aatish-e-namrood Jalaa rahi thee havaa bazm-e-jaan men sham-e-tarab MiTaa rahi thee sabaa lauh-e-dil se naqsh-e-jumood Gulon ke rang men thee shaan-e-khanda-e-yoosuf Kalee ke saaz men tha lutf-e-naghma-e-daa.ood Har ik jabeen pe darakhshaan tha nayyar-e-iqbaal Har ek farq pe taabaan tha taala-e-mas.ood Fazaa-e-charkh men dauDee huee thee rooh-e-zuhoor Bisaat-e-khaak pe chhaayaa huaa tha rang-e-numood Haseen khvaab se chaunke the rasmasaa.e hue Machal rahi thee havaaon men boo-e-ambar-o-bood Ye rang dekh kar aayaa mujhe khayaal-e-namaaz Miree namaaz ki hai shaahid-o-sharaab-o-surood Miree namaaz ki hai naghma-e-huval-baaqee Miree namaaz ki hai naara-e-huval-maujood Miree namaaz ki hai ishq-e-naazir-o-manzoor Miree namaaz ki hai hubb-e-shaahid-o-mash.hood Miree namaaz ki hai ek saaz-e-laa-faanee Maree namaaz ki hai ek soz-e-laa-mahdood Miree namaaz ki hai diid roo-e-naa-shusta Miree namaaz ki hai tauf-e-husn-e-khvaab-aalood Miree namaaz ''nazar'' shaikh kee namaaz ''alfaaz'' Yahaan charaagh vahaan sirf sham-e-kushta kaa duud Yahaan hai rishta-e-anfaas men tarannum-e-dost Yahaan lataafat-e-ehsaas se ziyaan hai na suud Fughaan ki ''jumbish-e-a.azaa'' vahaan asaas-e-namaaz Khoshaa ki larzish-e-dil hai yahaan qayaam o qu.uud Kisee maqaam pe haasil nahin qaraar mujhe Sahar ko hoon jo barahman to shaam ko mahmood Gharaz ki aate hee waqt-e-sahar khayaal-e-namaaz Jabeen thee paa-e-sanam par zabaan pe ''yaa-ma.abood!'' Tamaam raaz-e-nihaan khul ga.e mire dil par Ze-takiya-gaah-e-adam taa-ba-kaargaah-e-vajood Sar-e-niyaaz se zaahir huaa tabassum-e-naaz Butoon-e-khaak se paidaa huaa dur-e-maqsood UThaa ke phir sar-e-pur-shauq paa-e-jaanaan se Kahaa ye main ne ki ai sarv-e-bostaan-e-vajood Biyaa biyaa ki tiraa tang dar kanaar kushem Ze-bosa-mehr-kunam bar-lab-e-shakar-aalood Mire labon ko bhee de rukhsat-e-taraana-e-hamd Har ek zarra hai is waqt aashnaa-e-durood Ye sun ke sharm se koi javaab ban na paDaa Jhukee nigaah-e-jabeen ho ga.ee araq-aalood Hayaa ne baDh ke pukaaraa ye ''kaahishen be-kaar'' Nazar ne jhuk ke sadaa dee ye ''kaavishen be-sood'' ''dahaan-e-yaar ki darmaan-e-dard-e-'haafiz' daasht Fughaan ki waqt-e-muravvat che tang hausla bood'' Alassabah ki thi kaenat sar-ba-sujud Falak pe shor-e-azan tha zamin pe bang-e-durud Bahaar shabnam-asuda thi ki ruh-e-KHalil Farogh-e-lala-o-gul tha ki aatish-e-namrud Jala rahi thi hawa bazm-e-jaan mein sham-e-tarab MiTa rahi thi saba lauh-e-dil se naqsh-e-jumud Gulon ke rang mein thi shan-e-KHanda-e-yusuf Kali ke saz mein tha lutf-e-naghma-e-daud Har ek jabin pe daraKHshan tha nayyar-e-iqbaal Har ek farq pe taban tha tala-e-masud Faza-e-charKH mein dauDi hui thi ruh-e-zuhur Bisat-e-KHak pe chhaya hua tha rang-e-numud Hasin KHwab se chaunke the rasmasae hue Machal rahi thi hawaon mein bu-e-ambar-o-bud Ye rang dekh kar aaya mujhe KHayal-e-namaz Meri namaz ki hai shahid-o-sharab-o-surud Meri namaz ki hai naghma-e-huwal-baqi Meri namaz ki hai nara-e-huwal-maujud Meri namaz ki hai ishq-e-nazir-o-manzur Meri namaz ki hai hubb-e-shahid-o-mashhud Meri namaz ki hai ek saz-e-la-fani Mari namaz ki hai ek soz-e-la-mahdud Meri namaz ki hai did ru-e-na-shusta Meri namaz ki hai tauf-e-husn-e-KHwab-alud Meri namaz nazar shaiKH ki namaz alfaz Yahan charagh wahan sirf sham-e-kushta ka dud Yahan hai rishta-e-anfas mein tarannum-e-dost Yahan latafat-e-ehsas se ziyan hai na sud Fughan ki jumbish-e-aza wahan asas-e-namaz KHosha ki larzish-e-dil hai yahan qayam o quud Kisi maqam pe hasil nahin qarar mujhe Sahar ko hun jo barahman to sham ko mahmud Gharaz ki aate hi waqt-e-sahar KHayal-e-namaz Jabin thi pa-e-sanam par zaban pe ya-mabud! Tamam raaz-e-nihan khul gae mere dil par Ze-takiya-gah-e-adam ta-ba-kargah-e-wajud Sar-e-niyaz se zahir hua tabassum-e-naz Butun-e-KHak se paida hua dur-e-maqsud UTha ke phir sar-e-pur-shauq pa-e-jaanan se Kaha ye main ne ki ai sarw-e-bostan-e-wajud Biya biya ki tera tang dar kanar kushem Ze-bosa-mehr-kunam bar-lab-e-shakar-alud Mere labon ko bhi de ruKHsat-e-tarana-e-hamd Har ek zarra hai is waqt aashna-e-durud Ye sun ke sharm se koi jawab ban na paDa Jhuki nigah-e-jabin ho gai araq-alud Haya ne baDh ke pukara ye kahishen be-kar Nazar ne jhuk ke sada di ye kawishen be-sud Dahan-e-yar ki darman-e-dard-e-'hafiz' dasht Fughan ki waqt-e-murawwat che tang hausla bud