vatan

Ai vatan paak vatan rooh-e-ravaan-e-ahraar Ai ki zarron men tire bu-e-chaman rang-e-bahaar Ai ki khvaabeeda tiree khaak men shaahaana vaqaar Ai ki har khaar tiraa roo-kash-e-sad-roo-e-nigaar Reze almaas ke tere khas-o-khaashaak men hain HaDDiyaan apne buzurgon kee tiree khaak men hain Paa.ee ghunchon men tire rang kee dunya ham ne Tere kaanTon se liyaa daras-e-tamannaa ham ne Tere qatron se sunee qir.at-e-Dariya ham ne Tere zarron men paDhee aayat-e-sahraa ham ne Kyaa bataa.en ki tiree bazm men kya kya dekhaa Ek aa.eene men dunya kaa tamaasha dekhaa Teree hee gardan-e-rangeen men hain baanhen apnee Tere hee ishq men hain sub.h kee aa.hen apnee Tere hee husn se raushan hain nigaahen apnee Kaj huiin teree hee mahfil men kulaahen apnee Baankpan siikh liyaa ishq kee uftaadon se Dil lagaayaa bhee to tere hee paree-zaadon se Pahle jis chiiz ko dekhaa wo fazaa teree thee Pahle jo kaan men aa.ee wo sadaa teree thee Paalnaa jis ne hilaayaa wo havaa teree thee Jis ne gahvaare men choomaa wo sabaa teree thee Avvaleen raqs havaa mast ghaTaa.en teree Bheegee hain apnee masen aab-o-havaa men teree Ai vatan aaj se kya ham tire shaidaa.ee hain Aankh jis din se khulee tere tamannaa.ee hain Muddaton se tire jalvon ke tamaashaa.ee hain Ham to bachpan se tire aashiq-o-saudaai hain Bhaa.ee tiflee se har ik aan jahaan men teree Baat tutlaa ke jo kee bhee to zabaan men teree Husn tere hee manaazir ne dikhaayaa ham ko Teree hee sub.h ke naghmon ne jagaayaa ham ko Tere hee abr ne jhoolon men jhulaayaa ham ko Tere hee phoolon ne nau-shaah banaayaa ham ko Khanda-e-gul kee khabar teree zabaanee aa.ee Tere baaghon men havaa khaa ke javaanee aa.ee Tujh se munh moD ke munh apna dikhaa.enge kahaan Ghar jo chhoDenge to phir chhaavnee chhaa.enge kahaan Bazm-e-aghyaar men aaraam ye paa.enge kahaan Tujh se ham rooth ke jaa.en bhee to jaa.enge kahaan Tere haathon men hai qismat kaa navishta apna Kis qadar tujh se bhee mazboot hai rishta apna Ai vatan josh hai phir quvvat-e-eemaanee men Khauf kya dil ko safeena hai jo tughyaanee men Dil se masroof hain har tarah kee qurbaanee men Mahv hain jo tiree kashtee kee nigahbaanee men Gharq karne ko jo kahte hain zamaane vaale Muskuraate hain tiree naav chalaane vaale Ham zameen ko tiree naapaak na hone denge Tere daaman ko kabhi chaak na hone denge Tujh ko jiite hain to ghamnaak na hone denge Aisee ikseer ko yuun khaak na hone denge Jee men Thaanee hai yahee jee se guzar jaa.enge Kam se kam va.ada ye karte hain ki mar jaa.enge Ai watan pak watan ruh-e-rawan-e-ahrar Ai ki zarron mein tere bu-e-chaman rang-e-bahaar Ai ki KHwabida teri KHak mein shahana waqar Ai ki har KHar tera ru-kash-e-sad-ru-e-nigar Reze almas ke tere KHas-o-KHashak mein hain HaDDiyan apne buzurgon ki teri KHak mein hain Pai ghunchon mein tere rang ki duniya hum ne Tere kanTon se liya daras-e-tamanna hum ne Tere qatron se suni qirat-e-dariya hum ne Tere zarron mein paDhi aayat-e-sahra hum ne Kya bataen ki teri bazm mein kya kya dekha Ek aaine mein duniya ka tamasha dekha Teri hi gardan-e-rangin mein hain banhen apni Tere hi ishq mein hain subh ki aahen apni Tere hi husn se raushan hain nigahen apni Kaj huin teri hi mahfil mein kulahen apni Bankpan sikh liya ishq ki uftadon se Dil lagaya bhi to tere hi pari-zadon se Pahle jis chiz ko dekha wo faza teri thi Pahle jo kan mein aai wo sada teri thi Palna jis ne hilaya wo hawa teri thi Jis ne gahware mein chuma wo saba teri thi Awwalin raqs hawa mast ghaTaen teri Bhigi hain apni masen aab-o-hawa mein teri Ai watan aaj se kya hum tere shaidai hain Aankh jis din se khuli tere tamannai hain Muddaton se tere jalwon ke tamashai hain Hum to bachpan se tere aashiq-o-saudai hain Bhai tifli se har ek aan jahan mein teri Baat tutla ke jo ki bhi to zaban mein teri Husn tere hi manazir ne dikhaya hum ko Teri hi subh ke naghmon ne jagaya hum ko Tere hi abr ne jhulon mein jhulaya hum ko Tere hi phulon ne nau-shah banaya hum ko KHanda-e-gul ki KHabar teri zabani aai Tere baghon mein hawa kha ke jawani aai Tujh se munh moD ke munh apna dikhaenge kahan Ghar jo chhoDenge to phir chhawni chhaenge kahan Bazm-e-aghyar mein aaram ye paenge kahan Tujh se hum ruTh ke jaen bhi to jaenge kahan Tere hathon mein hai qismat ka nawishta apna Kis qadar tujh se bhi mazbut hai rishta apna Ai watan josh hai phir quwwat-e-imani mein KHauf kya dil ko safina hai jo tughyani mein Dil se masruf hain har tarah ki qurbani mein Mahw hain jo teri kashti ki nigahbani mein Gharq karne ko jo kahte hain zamane wale Muskuraate hain teri naw chalane wale Hum zamin ko teri napak na hone denge Tere daman ko kabhi chaak na hone denge Tujh ko jite hain to ghamnak na hone denge Aisi iksir ko yun KHak na hone denge Ji mein Thani hai yahi ji se guzar jaenge Kam se kam wada ye karte hain ki mar jaenge