wo sabr de ki na de jis ne be qaraar kiyaa

Wo sabr de ki na de jis ne be-qaraar kiyaa Bas ab tumheen pe chalo ham ne inhisaar kiyaa Tumhaaraa zikr nahin hai tumhaaraa naam nahin Kiyaa naseeb kaa shikva hazaar baar kiyaa Suboot hai ye mohabbat kee saada-lauhee kaa Jab us ne va.ada kiyaa ham ne aitbaar kiyaa Ma.aal ham ne jo dekhaa sukoon o jumbish kaa To Kuch samajh ke taDapnaa hee ikhtiyaar kiyaa Mire khuda ne mire sab gunaah bakhsh diye Kisee kaa raat ko yuun main ne intizaar kiyaa