zaalim ye khamoshii bejaa hai iqraar nahin inkaar to ho

Zaalim ye khamoshee bejaa hai iqraar nahin inkaar to ho Ik aah to nikle tod ke dil naghme na sahee jhankaar to ho Har saans men sad.haa naghme hain har zarre men laakhon jalve hain Jaan mahv-e-rumooz-e-saaz to ho dil jalva-gah-e-anvaar to ho Shaakhon kee lachak har fasl men hai saaqee kee jhalak har rang men hai Saaghar kee khanak har zarf men hai makhmoor to ho sarshaar to ho Kyoonkar na shab-e-mah raushan ho kyuun sub.h na daaman chaak kare Kuch vasf-e-rumooz-e-husn to ho kuch sharh-e-jamaal-e-yaar to ho Siine men khataa.en muztar hain in.aam kaa wo iqraar karen Mansoor hazaaron ab bhee hain ai 'josh' sile men daar to ho