aadat muddaton main ik andhe kuen men asiir

Muddaton main ik andhe kuen men asiir Sar paTaktaa raha giDgiDaataa raha Raushnee chaahiye، chaandnee chaahiye، zindagee chaahiye Raushnee pyaar ki, chaandnee yaar ki, zindagee daar kee Apnee awaaz suntaa raha raat din Dheere dheere yaqeen dil ko aataa raha Suune sansaar men Bevafaa yaar men Daamn-e-daar men Raushnee bhee nahin Chaandnee bhee nahin Zindagee bhee nahin Zindagee ek raat Vaahima kaa.enaat Aadmee be-bisaat Log kotaah-qad Shahr shahr-e-hasad Gaanv in se bhee bad In andheron ne jab piis Daalaa mujhe Phir achaanak kuen ne uchhaalaa mujhe Apne siine se baahar nikaalaa mujhe SaikDon misr the saamne SaikDon us ke baazaar the Ek booDhee zulekhaa nahin Jaane kitne khareedaar the BaDhtaa jaataa tha yoosuf kaa mol Log bikne ko tayyaar the Khul ga.e mah-jabeenon ke sar Reshmee chaadaren haT ga.iin Palken jhapkeen na nazren jhukeen Marmareen ungliyaan kaT ga.iin Haath daaman tak aayaa koi Dhajjiyaan duur tak baT ga.iin Main ne Dar ke lagaa dee kuen men chhalaang Sar paTakne lagaa phir isee karb se Phir isee dard se giDgiDaane lagaa Raushnee chaahiye chaandnee chaahiye zindagee chaahiye Muddaton main ek andhe kuen mein asir Sar paTakta raha giDgiData raha Raushni chahiye، chandni chahiye، zindagi chahiye Raushni pyar ki, chandni yar ki, zindagi dar ki Apni aawaz sunta raha raat din Dhire dhire yaqin dil ko aata raha Sune sansar mein Bewafa yar mein Damn-e-dar mein Raushni bhi nahin Chandni bhi nahin Zindagi bhi nahin Zindagi ek raat Wahima kaenat Aadmi be-bisat Log kotah-qad Shahr shahr-e-hasad Ganw in se bhi bad In andheron ne jab pis Dala mujhe Phir achanak kuen ne uchhaala mujhe Apne sine se bahar nikala mujhe SaikDon misr the samne SaikDon us ke bazar the Ek buDhi zuleKHa nahin Jaane kitne KHaridar the BaDhta jata tha yusuf ka mol Log bikne ko tayyar the Khul gae mah-jabinon ke sar Reshmi chadaren haT gain Palken jhapkin na nazren jhukin Marmarin ungliyan kaT gain Hath daman tak aaya koi Dhajjiyan dur tak baT gain Main ne Dar ke laga di kuen mein chhalang Sar paTakne laga phir isi karb se Phir isi dard se giDgiDane laga Raushni chahiye chandni chahiye zindagi chahiye