ajnabii

Ai hama-rang hama-noor hama-soz-o-gudaaz Bazm-e-mahtaab se aane kee zaroorat kya thee Too jahaan thee usee jannat men nikhartaa tiraa ruup Is jahannam ko basaane kee zaroorat kya thee Ye khad-o-khaal ye khawabon se taraashaa huaa jism Aur dil jis pe khad-o-khaal kee narmee bhee nisaar Khaar hee khaar sharaare hee sharaare hain yahaan Aur tham tham ke uThaa paanv bahaaron kee bahaar Tishnagee zahr bhee pee jaatee hai amrit kee tarah Jaane kis jaam pe ruk jaa.e nigaah-e-ma.asoom Doobte dekhaa hai jin aankhon men mai-khaana bhee Pyaas un aankhon kee bujhe yaa na bujhe kya ma.aloom Hain sabhee husn-parast ahl-e-nazar saahib-e-dil Koee ghar men koi mahfil men sajaa.egaa tujhe Too faqat jism nahin sher bhee hai giit bhee hai Kaun ashkon kee ghanee Chaaon men gaa.egaa tujhe Tujh se ik dard kaa rishta bhee hai bas pyaar nahin Apne aanchal pe mujhe ashk bahaa lene de Too jahaan jaatee hai jaa, rokne vaalaa main kaun Apne raste men magar sham.a jalaa lene de Ai hama-rang hama-nur hama-soz-o-gudaz Bazm-e-mahtab se aane ki zarurat kya thi Tu jahan thi usi jannat mein nikharta tera rup Is jahannam ko basane ki zarurat kya thi Ye KHad-o-KHal ye KHwabon se tarasha hua jism Aur dil jis pe KHad-o-KHal ki narmi bhi nisar KHar hi KHar sharare hi sharare hain yahan Aur tham tham ke uTha panw bahaaron ki bahaar Tishnagi zahr bhi pi jati hai amrit ki tarah Jaane kis jam pe ruk jae nigah-e-masum Dubte dekha hai jin aankhon mein mai-KHana bhi Pyas un aankhon ki bujhe ya na bujhe kya malum Hain sabhi husn-parast ahl-e-nazar sahib-e-dil Koi ghar mein koi mahfil mein sajaega tujhe Tu faqat jism nahin sher bhi hai git bhi hai Kaun ashkon ki ghani chhanw mein gaega tujhe Tujh se ek dard ka rishta bhi hai bas pyar nahin Apne aanchal pe mujhe ashk baha lene de Tu jahan jati hai ja, rokne wala main kaun Apne raste mein magar shama jala lene de