andeshe

Ruuh bechain hai ik dil kee aziyyat kya hai Dil hee sho.ala hai to ye soz-e-mohabbat kya hai Vo mujhe bhuul ga.ee is kee shikaayat kya hai Ranj to ye hai ki ro ro ke bhulaayaa hogaa Vo kahaan aur kahaan kaahish-e-gham, sozish-e-jaan Us kee rangeen nazar aur nuqoosh-e-hirmaan Us kaa ehsaas-e-lateef aur shikast-e-armaan Ta.ana-zan ek zamaana nazar aayaa hogaa Jhuk ga.ee hogee javaan-saal umangon kee jabeen MiT ga.ee hogee lalak, Doob gaya hogaa yaqeen Chhaa gaya hogaa dhuaan, ghuum ga.ee hogee zameen Apne pahle hee gharaunde ko jo Dhaayaa hogaa Dil ne aise bhee kuch afsaane sunaa.e honge Ashk aankhon ne piye aur na bahaa.e honge Band kamre men jo khat mere jalaa.e honge Ek ik harf jabeen par ubhar aayaa hogaa Us ne ghabraa ke nazar laakh bachaa.ee hogee MiT ke ik naqsh ne sau shakl dikhaa.ee hogee Mez se jab miree tasveer haTaa.ee hogee Har taraf mujh ko taDaptaa huaa paayaa hogaa Be-mahal chheD pe jazbaat ubal aa.e honge Gham pashemaan-e-tabassum men Dhal aa.e honge Naam par mere jab aansoo nikal aa.e honge Sar na kaandhe se sahelee ke uThaayaa hogaa Zulf zid kar ke kisee ne jo haTaa.ee hogee RooThe jalvon pe khizaan aur bhee chhaa.ee hogee Barq ashvon ne ka.ee din na giraa.ee hogee Rang chehre pe ka.ee roz na aayaa hogaa Ruh bechain hai ek dil ki aziyyat kya hai Dil hi shoala hai to ye soz-e-mohabbat kya hai Wo mujhe bhul gai is ki shikayat kya hai Ranj to ye hai ki ro ro ke bhulaya hoga Wo kahan aur kahan kahish-e-gham, sozish-e-jaan Us ki rangin nazar aur nuqush-e-hirman Us ka ehsas-e-latif aur shikast-e-arman Tana-zan ek zamana nazar aaya hoga Jhuk gai hogi jawan-sal umangon ki jabin MiT gai hogi lalak, Dub gaya hoga yaqin Chha gaya hoga dhuan, ghum gai hogi zamin Apne pahle hi gharaunde ko jo Dhaya hoga Dil ne aise bhi kuch afsane sunae honge Ashk aankhon ne piye aur na bahae honge Band kamre mein jo KHat mere jalae honge Ek ek harf jabin par ubhar aaya hoga Us ne ghabra ke nazar lakh bachai hogi MiT ke ek naqsh ne sau shakl dikhai hogi Mez se jab meri taswir haTai hogi Har taraf mujh ko taDapta hua paya hoga Be-mahal chheD pe jazbaat ubal aae honge Gham pasheman-e-tabassum mein Dhal aae honge Nam par mere jab aansu nikal aae honge Sar na kandhe se saheli ke uThaya hoga Zulf zid kar ke kisi ne jo haTai hogi RuThe jalwon pe KHizan aur bhi chhai hogi Barq ashwon ne kai din na girai hogi Rang chehre pe kai roz na aaya hoga