bahruupnii ek gardan pe saikdon chehre

Ek gardan pe saikDon chehre Aur har chehre par hazaaron daagh Aur har daagh band darvaaza Raushnee in se aa nahin saktee Raushnee in se jaa nahin saktee Tang siina hai hauz masjid kaa Dil wo duunaa pujaariyon ke ba.ad ChaaTte rahte hain jise kutte Kutte duunaa jo chaaT lete hain Devtaaon ko kaaT lete hain Jaane kis kokh ne janaa is ko Jaane kis sehn men javaan huee Jaane kis des se chalee kam-bakht Vaise ye har zabaan boltee hai Zakhm khiDkee kee tarah kholtee hai Aur kahtee hai jhaank kar dil men Teraa maz.hab, tiraa aziim khuda Teree tahzeeb ke haseen sanam Sab ko khatre ne aaj gheraa hai Ba.ad un ke jahaan andheraa hai Sard ho jaataa hai lahoo meraa Band ho jaatee hain khulee aankhen Aisaa lagtaa hai jaise dunya men Sabhee dushman hain koi dost nahin Mujh ko zinda nigal rahi hai zameen Aisaa lagtaa hai raakshas koi Ek gaagar kamar men laTkaa kar Aasmaan par chaDhegaa aakhir-e-shab Nuur sara nichoD laa.egaa Mere taare bhee tod laa.egaa Ye jo dhartee kaa phaT gaya siina Aur baahar nikal paDe hain juloos Mujh se kahte hain tum hamaare ho Main agar in kaa hoon to main kya hoon Main kisee kaa nahin hoon apna hoon Mujh ko tanhaa.ee ne diyaa hai janam Meraa sab kuch akele-pan se hai Kaun poochhegaa mujh ko mele men Saath jis din qadam baDhaa.oongaa Chaal main apnee bhuul jaa.oongaa Ye aur aise hee chand aur savaal DhoonDne par bhee aaj tak mujh ko Jin ke maan baap kaa milaa na suraagh Zehn men ye unDel detee hai Mujh ko muTThee men bhench letee hai Chaahtaa hoon ki qatl kar duun ise Vaar lekin jab is pe kartaa hoon Mere siine pe zakhm ubharte hain Mere maathe se Khoon Tapaktaa hai Jaane kya meraa is kaa rishta hai Aandhiyon men azaan dee main ne Sankh phoonkaa andheree raaton men Ghar ke baahar saleeb laTkaa.ee Ek ik dar se us ko Thukraayaa Shahr se duur jaa ke phenk aayaa Aur elaan kar diyaa ki uTho Barf see jam ga.ee hai seenon men Garm boson se us ko pighlaa do Kar lo jo bhee gunaah wo kam hai Aaj kee raat jashn-e-aadam hai Ye miree aasteen se niklee Rakh diyaa dauD ke charaagh pe haath Mal diyaa phir andheraa chehre par HonT se dil kee baat lauT ga.ee Dar tak aa ke baraat lauT ga.ee Us ne mujh ko alag bulaa ke kahaa Aaj kee zindagee kaa naam hai khauf Khauf hee wo zameen hai jis men Firqe ugte hain firqe palte hain Dhaare saagar se kaT ke chalte hain Khauf jab tak dilon men baaqee hai Sirf chehra badalte rahnaa hai Sirf lahja badalte rahnaa hai Koee mujh ko miTaa nahin saktaa Jashn-e-aadam manaa nahin saktaa Ek gardan pe saikDon chehre Aur har chehre par hazaron dagh Aur har dagh band darwaza Raushni in se aa nahin sakti Raushni in se ja nahin sakti Tang sina hai hauz masjid ka Dil wo duna pujariyon ke baad ChaTte rahte hain jise kutte Kutte duna jo chaT lete hain Dewtaon ko kaT lete hain Jaane kis kokh ne jana is ko Jaane kis sehn mein jawan hui Jaane kis des se chali kam-baKHt Waise ye har zaban bolti hai ZaKHm khiDki ki tarah kholti hai Aur kahti hai jhank kar dil mein Tera mazhab, tera azim KHuda Teri tahzib ke hasin sanam Sab ko KHatre ne aaj ghera hai Baad un ke jahan andhera hai Sard ho jata hai lahu mera Band ho jati hain khuli aankhen Aisa lagta hai jaise duniya mein Sabhi dushman hain koi dost nahin Mujh ko zinda nigal rahi hai zamin Aisa lagta hai rakshas koi Ek gagar kamar mein laTka kar Aasman par chaDhega aaKHir-e-shab Nur sara nichoD laega Mere tare bhi tod laega Ye jo dharti ka phaT gaya sina Aur bahar nikal paDe hain julus Mujh se kahte hain tum hamare ho Main agar in ka hun to main kya hun Main kisi ka nahin hun apna hun Mujh ko tanhai ne diya hai janam Mera sab kuch akele-pan se hai Kaun puchhega mujh ko mele mein Sath jis din qadam baDhaunga Chaal main apni bhul jaunga Ye aur aise hi chand aur sawal DhunDne par bhi aaj tak mujh ko Jin ke man bap ka mila na suragh Zehn mein ye unDel deti hai Mujh ko muTThi mein bhench leti hai Chahta hun ki qatl kar dun ise War lekin jab is pe karta hun Mere sine pe zaKHm ubharte hain Mere mathe se KHun Tapakta hai Jaane kya mera is ka rishta hai Aandhiyon mein azan di main ne Sankh phunka andheri raaton mein Ghar ke bahar salib laTkai Ek ek dar se us ko Thukraya Shahr se dur ja ke phenk aaya Aur elan kar diya ki uTho Barf si jam gai hai sinon mein Garm boson se us ko pighla do Kar lo jo bhi gunah wo kam hai Aaj ki raat jashn-e-adam hai Ye meri aastin se nikli Rakh diya dauD ke charagh pe hath Mal diya phir andhera chehre par HonT se dil ki baat lauT gai Dar tak aa ke baraat lauT gai Us ne mujh ko alag bula ke kaha Aaj ki zindagi ka nam hai KHauf KHauf hi wo zamin hai jis mein Firqe ugte hain firqe palte hain Dhaare sagar se kaT ke chalte hain KHauf jab tak dilon mein baqi hai Sirf chehra badalte rahna hai Sirf lahja badalte rahna hai Koi mujh ko miTa nahin sakta Jashn-e-adam mana nahin sakta