ehtiyaat

Ab tum aaghosh-e-tasavvur men bhee aayaa na karo Mujh se bikhre hue gesoo nahin dekhe jaate Surkh aankhon kee qasam kaanptee palkon kee qasam Thartharaate hue aansoo nahin dekhe jaate Ab tum aaghosh-e-tasavvur men bhee aayaa na karo ChhooT jaane do jo daamaan-e-wafa chhooT gaya Kyuun ye laghzeeda-khiraamee pe pasheemaan-nazaree Tum ne toDaa to nahin rishta-e-dil Toot gaya Ab tum aaghosh-e-tasavvur men bhee aayaa na karo Meree aahon se ye rukhsaar na kumhlaa jaa.en DhoonDtee hogee tumhen ras men nahaa.ee huee raat Jaao kaliyaan na kaheen sej kee murjhaa jaa.en Ab tum aaghosh-e-tasawwur mein bhi aaya na karo Mujh se bikhre hue gesu nahin dekhe jate SurKH aankhon ki qasam kanpti palkon ki qasam Thartharaate hue aansu nahin dekhe jate Ab tum aaghosh-e-tasawwur mein bhi aaya na karo ChhuT jaane do jo daman-e-wafa chhuT gaya Kyun ye laghzida-KHirami pe pashiman-nazari Tum ne toDa to nahin rishta-e-dil TuT gaya Ab tum aaghosh-e-tasawwur mein bhi aaya na karo Meri aahon se ye ruKHsar na kumhla jaen DhunDti hogi tumhein ras mein nahai hui raat Jao kaliyan na kahin sej ki murjha jaen