itnaa to zindagii men kisi ke khalal pade
— Kaifi Azmi
Itnaa to zindagee men kisee ke khalal paDe
Hansne se ho sukoon na rone se kal paDe
Jis tarah hans raha hoon main pee pee ke garm ashk
Yuun doosraa hanse to kaleja nikal paDe
Ik tum ki tum ko fikr-e-nasheb-o-faraaz hai
Ik ham ki chal paDe to bahar-haal chal paDe
Saaqee sabhee ko hai gham-e-tishna-labee magar
Mai hai usee kee naam pe jis ke ubal paDe
Muddat ke ba.ad us ne jo kee lutf kee nigaah
Jee khush to ho gaya magar aansoo nikal paDe