kahiin se laut ke ham ladkhadaae hain kya kya

Kaheen se lauT ke ham laDkhaDaa.e hain kya kya Sitaare zer-e-qadam raat aa.e hain kya kya Nasheb-e-hastee se afsos ham ubhar na sake Faraaz-e-daar se paighaam aa.e hain kya kya Jab us ne haar ke khanjar zameen pe phenk diyaa Tamaam zakhm-e-jigar muskuraa.e hain kya kya ChhaTaa jahaan se us awaaz kaa ghanaa baadal Vaheen se dhoop ne talve jalaa.e hain kya kya UThaa ke sar mujhe itnaa to dekh lene de Ki qatl-gaah men deevaane aa.e hain kya kya Kaheen andhere se maanoos ho na jaa.e adab Charaagh tez havaa ne bujhaa.e hain kya kya