ki hai koi hasiin khataa har khataa ke saath
— Kaifi Azmi
Kee hai koee haseen khataa har khataa ke saath
ThoDaa saa pyaar bhee mujhe de do sazaa ke saath
Gar Doobnaa hee apna muqaddar hai to suno
Doobenge ham zaroor magar naakhudaa ke saath
Manzil se wo bhee duur thaa aur ham bhee duur the
Ham ne bhee dhuul uDaa.ee bahut rahnumaa ke saath
Raqs-e-sabaa ke jashn men ham tum bhee naachte
Ai kaash tum bhee aa ga.e hote sabaa ke saath
Ikkeesveen sadee kee taraf ham chale to hain
Fitne bhee jaag uTThe hain awaaz-e-paa ke saath
Aisa lagaa ghareebee kee rekhaa se hoon buland
Poochhaa kisee ne haal Kuch aisi adaa ke saath