maahaul

Tabee.at jabriya taskeen se ghabraa.ee jaatee hai Hansoon kaise hansee kam-bakht too murjhaa.ee jaatee hai Bahut chamkaa raha hoon khaal-o-khat ko sa.ee-e-rangeen se Magar pazhmurdagee see khaal-o-khat par chhaa.ee jaatee hai Umeedon kee tajallee khuub barsee sheesha-e-dil par Magar jo gard thee tah men wo ab tak paa.ee jaatee hai Javaanee chheDtee hai laakh khvaabeeda tamannaa ko Tamannaa hai ki us ko niind hee see aa.ee jaatee hai Mohabbat kee nigoon-saaree se dil Duubaa saa rahtaa hai Mohabbat dil kee izmehlaal se sharmaa.ee jaatee hai Fazaa kaa sog utraa aa raha hai zarf-e-hastee men Nigaah-e-shauq rooh-e-aarzoo kajlaa.ee jaatee hai Ye rang-e-mai nahin saaqee jhalak hai khoon-shuda dil kee Jo ik dhundlee see surkhee ankhDiyon men paa.ee jaatee hai Mire mutrib na de lillaah mujh ko daavat-e-naghma Kaheen saaz-e-ghulaamee par ghazal bhee gaa.ee jaatee hai Tabiat jabriya taskin se ghabrai jati hai Hansun kaise hansi kam-baKHt tu murjhai jati hai Bahut chamka raha hun KHal-o-KHat ko sai-e-rangin se Magar pazhmurdagi si KHal-o-KHat par chhai jati hai Umidon ki tajalli KHub barsi shisha-e-dil par Magar jo gard thi tah mein wo ab tak pai jati hai Jawani chheDti hai lakh KHwabida tamanna ko Tamanna hai ki us ko nind hi si aai jati hai Mohabbat ki nigun-sari se dil Duba sa rehta hai Mohabbat dil ki izmehlal se sharmai jati hai Faza ka sog utra aa raha hai zarf-e-hasti mein Nigah-e-shauq ruh-e-arzu kajlai jati hai Ye rang-e-mai nahin saqi jhalak hai KHun-shuda dil ki Jo ek dhundli si surKHi ankhDiyon mein pai jati hai Mere mutrib na de lillah mujh ko dawat-e-naghma Kahin saz-e-ghulami par ghazal bhi gai jati hai