main dhuundtaa hoon jise wo jahaan nahin miltaa

Main DhoonDtaa hoon jise wo jahaan naheen miltaa Na.ee zameen nayaa aasmaan naheen miltaa Na.ee zameen nayaa aasmaan bhee mil jaa.e Na.e bashar kaa kaheen Kuch nishaan naheen miltaa Wo tegh mil ga.ee jis se huaa hai qatl miraa Kisee ke haath kaa us par nishaan naheen miltaa Wo meraa gaanv hai wo mere gaanv ke choolhe Ki jin men shole to shole dhuaan naheen miltaa Jo ik khuda naheen miltaa to itnaa maatam kyuun Yahaan to koee miraa ham-zabaan naheen miltaa KhaDaa hoon kab se main chehron ke ek jangal men Tumhaare chehre kaa Kuch bhee yahaan naheen miltaa