nae khaake nuquush e hasrat mitaa ke uthnaa khushii kaa parcham udaa ke uthnaa

Nuqoosh-e-hasrat miTaa ke uThnaa, khushee kaa parcham uDaa ke uThnaa Milaa ke sar baiThnaa mubaarak taraana-e-fat.h gaa ke uThnaa Ye guftugoo guftugoo nahin hai bigaDne banne kaa marhala hai DhaDak raha hai fazaa kaa siina ki zindagee kaa muaamla hai Khizaan rahe yaa bahaar aa.e tumhaare haathon men faisla hai Na chain be-taab bijliyon ko na mutma.in kaarvaan-e-shabnam Kabhee shagoofon ke garm tevar kabhi gulon kaa mizaaj barham Shagoofa o gul ke is tasaadum men gulsitaan ban gaya jahannam Sajaa len sab apnee apnee jannat ab aise khaake banaa ke uThnaa Khazaana-e-rang-o-noor taareek rahguzaaron men luT raha hai Uroos-e-gul kaa ghuroor-e-ismat siyaahkaaron men luT raha hai Tamaam sarmaaya-e-lataafat zaleel khaaron men luT raha hai GhuTee ghuTee hain numoo kee saansen chhuTee chhuTee nabz-e-gulistaan hai Hain gursana phool, tishna ghunche, rukhon pe zardee labon pe jaan hai Asiir hain ham-safeer jab se khizaan chaman men ravaan-davaan hai Is intishaar-e-chaman kee saugand baab-e-zindaan hilaa ke uThnaa Hayaat-e-geetee kee aaj badlee huee nigaahen hain inqilaabee Ufuq se kirnen utar rahi hain bikhertee noor-e-kaamyaabee Na.ee sahar chaahtee hai khawabon kee bazm men izn-e-baaryaabee Ye teergee kaa hujoom kab tak ye yaas kaa azhdahaam kab tak Nifaaq o ghaflat kee aaD le kar jiyegaa murda nizaam kab tak Rahenge hindee asiir kab tak rahegaa bhaarat ghulaam kab tak Gale kaa tauq aa rahe qadam par kuch is tarah tilmilaa ke uThnaa Nuqush-e-hasrat miTa ke uThna, KHushi ka parcham uDa ke uThna Mila ke sar baiThna mubarak tarana-e-fath ga ke uThna Ye guftugu guftugu nahin hai bigaDne banne ka marhala hai DhaDak raha hai faza ka sina ki zindagi ka muamla hai KHizan rahe ya bahaar aae tumhaare hathon mein faisla hai Na chain be-tab bijliyon ko na mutmain karwan-e-shabnam Kabhi shagufon ke garm tewar kabhi gulon ka mizaj barham Shagufa o gul ke is tasadum mein gulsitan ban gaya jahannam Saja len sab apni apni jannat ab aise KHake bana ke uThna KHazana-e-rang-o-nur tarik rahguzaron mein luT raha hai Urus-e-gul ka ghurur-e-ismat siyahkaron mein luT raha hai Tamam sarmaya-e-latafat zalil KHaron mein luT raha hai GhuTi ghuTi hain numu ki sansen chhuTi chhuTi nabz-e-gulistan hai Hain gursana phul, tishna ghunche, ruKHon pe zardi labon pe jaan hai Asir hain ham-safir jab se KHizan chaman mein rawan-dawan hai Is intishaar-e-chaman ki saugand bab-e-zindan hila ke uThna Hayat-e-giti ki aaj badli hui nigahen hain inqilabi Ufuq se kirnen utar rahi hain bikherti nur-e-kaamyabi Nai sahar chahti hai KHwabon ki bazm mein izn-e-baryabi Ye tirgi ka hujum kab tak ye yas ka azhdaham kab tak Nifaq o ghaflat ki aaD le kar jiyega murda nizam kab tak Rahenge hindi asir kab tak rahega bhaarat ghulam kab tak Gale ka tauq aa rahe qadam par kuch is tarah tilmila ke uThna