nauha rehne ko sadaa dahr men aataa nahin koi

Rehne ko sadaa dahr men aataa nahin koi Tum jaise ga.e aise bhee jaataa nahin koi Dartaa hoon kaheen khushk na ho jaa.e samundar Raakh apnee kabhi aap bahaataa nahin koi Ik baar to khud maut bhee ghabraa ga.ee hogee Yuun maut ko siine se lagaataa nahin koi Maanaa ki ujaalon ne tumhen daagh diye the Be-raat Dhale sham.a bujhaataa nahin koi Saaqee se gilaa tha tumhen mai-khaane se shikva Ab zahr se bhee pyaas bujhaataa nahin koi Har sub.h hilaa deta tha zanjeer zamaana Kyuun aaj divaane ko jagaataa nahin koi Arthee to uThaa lete hain sab ashk bahaa ke Naaz-e-dil-e-betaab uThaataa nahin koi Rahne ko sada dahr mein aata nahin koi Tum jaise gae aise bhi jata nahin koi Darta hun kahin KHushk na ho jae samundar Rakh apni kabhi aap bahata nahin koi Ek bar to KHud maut bhi ghabra gai hogi Yun maut ko sine se lagata nahin koi Mana ki ujalon ne tumhein dagh diye the Be-raat Dhale shama bujhata nahin koi Saqi se gila tha tumhein mai-KHane se shikwa Ab zahr se bhi pyas bujhata nahin koi Har subh hila deta tha zanjir zamana Kyun aaj diwane ko jagata nahin koi Arthi to uTha lete hain sab ashk baha ke Naz-e-dil-e-betab uThata nahin koi