nehru

Main ne tanhaa kabhi us ko dekhaa nahin Phir bhee jab us ko dekhaa wo tanhaa milaa Jaise sahraa men chashma kaheen Yaa samundar men meenaar-e-noor Yaa koi fikr-e-auhaam men Fikr sadiyon akelee akelee rahi Zehn sadiyon akelaa akelaa milaa Aur akelaa akelaa bhaTaktaa raha Har na.e har puraane zamaane men wo Be-zabaan teergee men kabhi Aur kabhi cheekhtee dhoop men Chaandnee men kabhi khvaab kee Us kee taqdeer thee ik musalsal talaash Khud ko DhoonDaa kiyaa har fasaane men wo Bojh se apne us kee kamar jhuk ga.ee Qad magar aur kuch aur baDhtaa raha Khair-o-shar kee koi jang ho Zindagee kaa ho koi jihaad Vo hamesha huaa sab se pahle shaheed Sab se pahle wo suulee pe chaDhtaa raha Jin taqaazon ne us ko diyaa tha janam Un kee aaghosh men phir samaayaa na wo Khuun men ved goonje hue Aur jabeen par farozaan azaan Aur siine pe raqsaan saleeb Be-jhijhak sab ke qaaboo men aayaa na wo Haath men us ke kya tha jo deta hamen Sirf ik kiil us kiil kaa ik nishaan Nashsha-e-mai koi chiiz hai Ik ghaDee do ghaDee ek raat Aur haasil vahee dard-e-sar Us ne zindaan men lekin piyaa tha jo zahr UTh ke siine se baiThaa na is kaa dhuaan Main ne tanha kabhi us ko dekha nahin Phir bhi jab us ko dekha wo tanha mila Jaise sahra mein chashma kahin Ya samundar mein minar-e-nur Ya koi fikr-e-auham mein Fikr sadiyon akeli akeli rahi Zehn sadiyon akela akela mila Aur akela akela bhaTakta raha Har nae har purane zamane mein wo Be-zaban tirgi mein kabhi Aur kabhi chiKHti dhup mein Chandni mein kabhi KHwab ki Us ki taqdir thi ek musalsal talash KHud ko DhunDa kiya har fasane mein wo Bojh se apne us ki kamar jhuk gai Qad magar aur kuch aur baDhta raha KHair-o-shar ki koi jang ho Zindagi ka ho koi jihad Wo hamesha hua sab se pahle shahid Sab se pahle wo suli pe chaDhta raha Jin taqazon ne us ko diya tha janam Un ki aaghosh mein phir samaya na wo KHun mein wed gunje hue Aur jabin par farozan azan Aur sine pe raqsan salib Be-jhijhak sab ke qabu mein aaya na wo Hath mein us ke kya tha jo deta hamein Sirf ek kil us kil ka ek nishan Nashsha-e-mai koi chiz hai Ek ghaDi do ghaDi ek raat Aur hasil wahi dard-e-sar Us ne zindan mein lekin piya tha jo zahr UTh ke sine se baiTha na is ka dhuan