pyaar kaa jashn pyaar kaa jashn naii tarah manaanaa hogaa

Pyaar kaa jashn na.ee tarah manaanaa hogaa Gham kisee dil men sahee gham ko miTaanaa hogaa Kaanpte honTon pe paimaan-e-wafa kya kahnaa Tujh ko laa.ee hai kahaan laghzish-e-paa kya kahnaa Mere ghar men tire mukhDe kee ziyaa kya kahnaa Aaj har ghar kaa diyaa mujh ko jalaanaa hogaa Ruuh chehron pe dhuaan dekh ke sharmaatee hai Jhenpee jhenpee see mire lab pe hansee aatee hai Tere milne kee khushee dard banee jaatee hai Ham ko hansnaa hai to auron ko hansaanaa hogaa Soee soee huee aa.ankhon men chhalakte hue jaam Khoee khoee huee nazron men mohabbat kaa payaam Lab sheereen pe miree tishna-labee kaa in.aam Jaane in.aam milegaa ki churaanaa hogaa Meree gardan men tiree sandalee baahon kaa ye haar Abhee aansoo the in aa.ankhon men abhee itnaa khumaar Main na kahtaa tha mire ghar men bhee aa.egee bahaar Shart itnee thee ki pahle tujhe aanaa hogaa Pyar ka jashn nai tarah manana hoga Gham kisi dil mein sahi gham ko miTana hoga Kanpte honTon pe paiman-e-wafa kya kahna Tujh ko lai hai kahan laghzish-e-pa kya kahna Mere ghar mein tere mukhDe ki ziya kya kahna Aaj har ghar ka diya mujh ko jalana hoga Ruh chehron pe dhuan dekh ke sharmati hai Jhenpi jhenpi si mere lab pe hansi aati hai Tere milne ki KHushi dard bani jati hai Hum ko hansna hai to auron ko hansana hoga Soi soi hui aaankhon mein chhalakte hue jam Khoi khoi hui nazron mein mohabbat ka payam Lab shirin pe meri tishna-labi ka inam Jaane inam milega ki churana hoga Meri gardan mein teri sandali bahon ka ye haar Abhi aansu the in aaankhon mein abhi itna KHumar Main na kahta tha mere ghar mein bhi aaegi bahaar Shart itni thi ki pahle tujhe aana hoga