sarojini naidu aziiz maan mirii hansmukh mirii bahaadur maan

Aziiz maan miree hansmukh miree bahaadur maan Tamaam jauhar-e-fitrat jagaa diye too ne Mohabbat apne chaman se gulon se khaaron se Mohabbaton ke khazaane luTaa diye too ne Banaa banaa ke miTaa.e ga.e nuqoosh-e-amal Tire baghair mukammal na ho sakee tasveer Vo khvaab jhaansee kee raanee ko jis ne chaunkaayaa Tiraa gihaad-e-musalsal usee kee hai ta.abeer Use hayaat kaa sola singaar kahte hain Tiree jabeen pe hain kuch silvaTen bhee Tiikaa bhee Nazar men jazb-e-yaqeen dil men soz-e-aazaadee Dahaktaa phuul bhee hai too mahaktaa sho.ala bhee Zaraa zameen ko mehvar pe ghuum lene de Samaaj tujh se tiraa soz-o-saaz maangegee Jamaal seekhegaa khud-e'timaadiyaan tujh se Hayaat-e-nau tire dil kaa gudaaz maangegee Aziz man meri hansmukh meri bahadur man Tamam jauhar-e-fitrat jaga diye tu ne Mohabbat apne chaman se gulon se KHaron se Mohabbaton ke KHazane luTa diye tu ne Bana bana ke miTae gae nuqush-e-amal Tere baghair mukammal na ho saki taswir Wo KHwab jhansi ki rani ko jis ne chaunkaya Tera gihad-e-musalsal usi ki hai tabir Use hayat ka sola singar kahte hain Teri jabin pe hain kuch silwaTen bhi Tika bhi Nazar mein jazb-e-yaqin dil mein soz-e-azadi Dahakta phul bhi hai tu mahakta shoala bhi Zara zamin ko mehwar pe ghum lene de Samaj tujh se tera soz-o-saz mangegi Jamal sikhega KHud-e'timadiyan tujh se Hayat-e-nau tere dil ka gudaz mangegi