talaash

Ye bujhee see shaam ye sahmee huee parchhaa.iyaan Khoon-e-dil bhee is fazaa men rang bhar saktaa nahin Aa utar aa kaanpte honTon pe ai maayoos aah Saqf-e-zindaan par koi parvaaz kar saktaa nahin Jhilmilaa.e meree palkon pe mah-o-khur bhee to kya? Is andhere ghar men ik taaraa utar saktaa nahin LuuT lee zulmat ne roo-e-hind kee taabindagee Raat ke kaandhe pe sar rakh kar sitaare so ga.e Vo bhayaanak aandhiyaan, wo abtaree, wo khalfashaar Kaarvaan be-raah ho niklaa, musaafir kho ga.e Hain isee aivaan-e-be-dar men yaqeenan rahnumaa Aa ke kyuun deevaar tak naqsh-e-qadam gum ho ga.e Dekh ai josh-e-amal wo saqf ye deevaar hai Ek rauzan khol denaa bhee koi dushvaar hai Ye bujhi si sham ye sahmi hui parchhaiyan KHun-e-dil bhi is faza mein rang bhar sakta nahin Aa utar aa kanpte honTon pe ai mayus aah Saqf-e-zindan par koi parwaz kar sakta nahin Jhilmilae meri palkon pe mah-o-KHur bhi to kya? Is andhere ghar mein ek tara utar sakta nahin LuT li zulmat ne ru-e-hind ki tabindagi Raat ke kandhe pe sar rakh kar sitare so gae Wo bhayanak aandhiyan, wo abtari, wo KHalfashaar Karwan be-rah ho nikla, musafir kho gae Hain isi aiwan-e-be-dar mein yaqinan rahnuma Aa ke kyun diwar tak naqsh-e-qadam gum ho gae Dekh ai josh-e-amal wo saqf ye diwar hai Ek rauzan khol dena bhi koi dushwar hai