uljhanen

Zabaan ko tarjumaan-e-gham banaa.oon kis tarah 'kaifee' Main barg-e-gul se angaare uThaa.oon kis tarah 'kaifee' Samajh men kis kee aa.e raaz mere hichkichaane kaa Andhere men chalaa kartaa hai har naavak zamaane kaa Nigaah-e-mast kee allaah-re ma.asoom taakeeden Mujhe hai hukm saaz-e-muflisee par gungunaane kaa Main saaz-e-muflisee par gungunaa.oon kis tarah 'kaifee' Hansee bhee meree nauha hai miraa naghma bhee maatam hai Junoon bhee mujh se barham hai khirad bhee mujh se barham hai Sulagtaa shauq pighalte valvale jaltee tamannaa.en Zameen meree jahannam hai falak meraa jahannam hai Khayaalee jannaton men baith jaaon kis tarah 'kaifee' Ye tauq-e-bandagee wo phuul see gardan ma.aaz-allaah Vo shahd-aalood lab aur talkhee-e-shevan ma.aaz-allaah Kamaal-e-husn aur ye inkisaar-e-ishq are tauba Vo naazuk haath meraa gosha-e-daaman ma.aaz-allaah JhaTak kar gosha-e-daaman chhuDaa.oon kis tarah 'kaifee' Naved-e-sub.h suntaa hee nahin rangeen khvaab us kaa Ghiraa jaataa hai zulmat-rez kirnon men shabaab us kaa Mujhe fursat nahin rangeeniyon men Doob jaane kee Use deta ye dhokaa aitbaar-e-intikhaab us kaa Haqeeqat mast aa.ankhon ko dikhaa.oon kis tarah 'kaifee' Fanaa men huzn-deeda zindagee zam hotee jaatee hai Thakee nabzon kee khasta zarb maddham hotee jaatee hai Ye armaanon kaa mausam ye miree girtee huee sehhat Andheree raat aur lau sham.a kee kam hotee jaatee hai Shabistaan-e-wafa ko jagmagaa.oon kis tarah 'kaifee' Niraalee jast karnaa hai na.e raste pe chalnaa hai Na.e sho.alon men tapnaa hai na.e saanche men Dhalnaa hai Yahee do chaar saansen jo abhee mujh ko sambhaale hain Inheen do chaar saanson men zamaane ko badalnaa hai Inhen bhee sard geeton men ganvaa.oon kis tarah 'kaifee' Pareshaan qaafile ne ab nishaan manzil kaa paayaa hai Dhundlakon ke udhar ik surkh taaraa jhilmilaayaa hai Chale hain haanpte insaan na.ee dunya basaane ko Bahut aise hain in men jin ko khud main ne baDhaayaa hai Main khud hee raaste se lauT aa.uun kis tarah 'kaifee' Zaban ko tarjuman-e-gham banaun kis tarah 'kaifi' Main barg-e-gul se angare uThaun kis tarah 'kaifi' Samajh mein kis ki aae raaz mere hichkichane ka Andhere mein chala karta hai har nawak zamane ka Nigah-e-mast ki allah-re masum takiden Mujhe hai hukm saz-e-muflisi par gungunane ka Main saz-e-muflisi par gungunaun kis tarah 'kaifi' Hansi bhi meri nauha hai mera naghma bhi matam hai Junun bhi mujh se barham hai KHirad bhi mujh se barham hai Sulagta shauq pighalte walwale jalti tamannaen Zamin meri jahannam hai falak mera jahannam hai KHayali jannaton mein baith jaun kis tarah 'kaifi' Ye tauq-e-bandagi wo phul si gardan maaz-allah Wo shahd-alud lab aur talKHi-e-shewan maaz-allah Kamal-e-husn aur ye inkisar-e-ishq are tauba Wo nazuk hath mera gosha-e-daman maaz-allah JhaTak kar gosha-e-daman chhuDaun kis tarah 'kaifi' Nawed-e-subh sunta hi nahin rangin KHwab us ka Ghira jata hai zulmat-rez kirnon mein shabab us ka Mujhe fursat nahin ranginiyon mein Dub jaane ki Use deta ye dhoka e'tibar-e-intiKHab us ka Haqiqat mast aaankhon ko dikhaun kis tarah 'kaifi' Fana mein huzn-dida zindagi zam hoti jati hai Thaki nabzon ki KHasta zarb maddham hoti jati hai Ye armanon ka mausam ye meri girti hui sehhat Andheri raat aur lau shama ki kam hoti jati hai Shabistan-e-wafa ko jagmagaun kis tarah 'kaifi' Nirali jast karna hai nae raste pe chalna hai Nae shoalon mein tapna hai nae sanche mein Dhalna hai Yahi do chaar sansen jo abhi mujh ko sambhaale hain Inhin do chaar sanson mein zamane ko badalna hai Inhen bhi sard giton mein ganwaun kis tarah 'kaifi' Pareshan qafile ne ab nishan manzil ka paya hai Dhundlakon ke udhar ek surKH tara jhilmilaya hai Chale hain hanpte insan nai duniya basane ko Bahut aise hain in mein jin ko KHud main ne baDhaya hai Main KHud hi raste se lauT aaun kis tarah 'kaifi'