vasiyyat

Mire beTe miree aankhen mire ba.ad un ko de denaa Jinhon ne ret men sar gaaD rakkhe hain Aur aise mutma.in hain jaise un ko Na koi dekhtaa hai aur na koi dekh saktaa hai Magar ye waqt kee jaasoos nazren Jo peechhaa kartee hain sab kaa zameeron ke andhere tak Andheraa nuur par rahtaa hai ghaalib bas savere tak Saveraa hone vaalaa hai (2) Mire beTe miree aankhen mire ba.ad un ko de denaa Kuchh andhe soormaa jo tiir andhere men chalaate hain Sadaa dushman kaa siina taakte khud zakhm khaate hain Lagaa kar jo vatan ko daav par kursee bachaate hain Bhunaa kar khoTe sikke dharm ke jo pun kamaate hain Jataa do un ko aise Thag kabhi pakDe bhee jaate hain (3) Mire beTe unhen thoDee see khuddaaree bhee de denaa Jo haakim qarz le ke is ko apnee jiit kahte hain Jahaan rakhte hain sonaa rehn khud bhee rehn rahte hain Aur is ko bhee wo apnee jiit kahte hain Shareek-e-jurm hain ye sun ke jo khaamosh rahte hain Qusoor apna ye kya kam hai ki ham sab un ko sahte hain (4) Mire beTe mire ba.ad un ko meraa dil bhee de denaa Ki jo shar rakhte hain siine men apne dil nahin rakhte Hai un kee aasteen men wo bhee jo qaatil nahin rakhte Jo chalte hain unheen raston pe jo manzil nahin rakhte Ye majnoon apnee nazron men koi mahmil nahin rakhte Ye apne paas kuch bhee fakhr ke qaabil nahin rakhte Taras khaa kar jinhen jantaa ne kursee par biThaayaa hai Vo khud se to na uTThenge unhen tum hee uThaa denaa GhaTaa.ee hai jinhon ne itnee qeemat apne sikke kee Ye zimma hai tumhaaraa un kee qeemat tum ghaTaa denaa Jo wo phailaa.en daaman ye vasiyyat yaad kar lenaa Unhen har chiiz de denaa par un ko vote mat denaa Mere beTe meri aankhen mere baad un ko de dena Jinhon ne ret mein sar gaD rakkhe hain Aur aise mutmain hain jaise un ko Na koi dekhta hai aur na koi dekh sakta hai Magar ye waqt ki jasus nazren Jo pichha karti hain sab ka zamiron ke andhere tak Andhera nur par rehta hai ghaalib bas sawere tak Sawera hone wala hai (2) Mere beTe meri aankhen mere baad un ko de dena Kuchh andhe surma jo tir andhere mein chalate hain Sada dushman ka sina takte KHud zaKHm khate hain Laga kar jo watan ko daw par kursi bachate hain Bhuna kar khoTe sikke dharm ke jo pun kamate hain Jata do un ko aise Thag kabhi pakDe bhi jate hain (3) Mere beTe unhen thoDi si KHuddari bhi de dena Jo hakim qarz le ke is ko apni jit kahte hain Jahan rakhte hain sona rehn KHud bhi rehn rahte hain Aur is ko bhi wo apni jit kahte hain Sharik-e-jurm hain ye sun ke jo KHamosh rahte hain Qusur apna ye kya kam hai ki hum sab un ko sahte hain (4) Mere beTe mere baad un ko mera dil bhi de dena Ki jo shar rakhte hain sine mein apne dil nahin rakhte Hai un ki aastin mein wo bhi jo qatil nahin rakhte Jo chalte hain unhin raston pe jo manzil nahin rakhte Ye majnun apni nazron mein koi mahmil nahin rakhte Ye apne pas kuch bhi faKHr ke qabil nahin rakhte Taras kha kar jinhen janta ne kursi par biThaya hai Wo KHud se to na uTThenge unhen tum hi uTha dena GhaTai hai jinhon ne itni qimat apne sikke ki Ye zimma hai tumhaara un ki qimat tum ghaTa dena Jo wo phailaen daman ye wasiyyat yaad kar lena Unhen har chiz de dena par un ko wote mat dena