Abhi ji bhar ke p lo phir na ye mausam badal jaae

Abhee jee-bhar ke pee lo phir na ye mausam badal jaa.e Na jaane ye paree phir kaun se sheeshe men Dhal jaa.e Bahut samjhaa-bujhaa kar raah par laa.e hain is dil ko Kaheen zaalim na phir koee niraalee chaal chal jaa.e Du'aaon se mile bhee Kuch to shaayad maut miltee hai Ye wo jaadoo naheen jo zindagee ke sar pe chal jaa.e Junoon le kar chalaa hai mujh ko phir koo-e-hareefaan men Jo baaqee rah gaya hai ab wo kaanTaa bhee nikal jaa.e Wo rasman hee sahee lekin khabar lete raho us kee Dil aakhir dil hai kya jaane kahaan jaa kar bahal jaa.e