bane banaae se raston kaa silsila niklaa

Bane-banaa.e se raston kaa silsila niklaa Nayaa safar bhee bahut hee gurez-paa niklaa Na jaane kis kee hamen umr bhar talaash rahee Jise qareeb se dekhaa wo doosraa niklaa Hamen to raas na aa.ee kisee kee mahfil bhee Koee khuda koee ham-saaya-e-khuda niklaa Hazaar tarah kee mai pee hazaar tarah ke zahr Na pyaas hee bujhee apnee na hausla niklaa Hamaare paas se guzree thee ek parchhaa.een Pukaaraa ham ne to sadiyon kaa faasla niklaa Ab apne-aap ko DhoonDen kahaan kahaan jaa kar Adam se taa-ba-adam apna naqsh-e-paa niklaa